བོད་བརྒྱུད་ནང་བསྟན་གྱི་གྲུབ་མཐའ་ཁག་ངོ་སྤྲོད་མདོར་བསྡུས།
རྩོམ་པ་པོ།      སྤེལ་དུས།  2012-09-15 09:55:54    རྡེབ་ཚད།     ཡོང་ཁུངས། ངེད་དྲ་ཚིགས།

    ༄༅།།གྲུབ་མཐའ་ཞེས་པའི་ཐ་སྙད་རང་བཟོ་མ་ཡིན་ཏེ། ལང་ཀར་གཤེགས་པ་ལས་“ང་ཡི་ཆོས་ཚུལ་རྣམ་གཉིས་ཏེ། བསྟན་པ་དང་ནི་གྲུབ་མཐའ་འོ། བྱིས་པ་རྣམས་ལ་བསྟན་པ་བཤད། རྣལ་འབྱོར་པ་ལ་གྲུབ་མཐའ་འོ་”ཞེས་གསུང་། རིགས་དྲུག་ཐར་ལམ་དུ་འགོད་པའི་ལམ་སྤྱིར་བསྟན་པ་ལ་བསྟན་པ་དང་། ལམ་དེར་བགྲོད་པའི་ཐབས་གཞི་ལམ་འབྲས་གསུམ་གཏན་ལ་དབབ་པ་དེར་གྲུབ་མཐའ་ཞེས་བརྗོད།གྲུབ་མཐའ་ཞེས་པའི་ཡིག་གཉིས་ཀྱི་དོན་ནི། རང་གི་བློ་ངོར་ཡང་དག་པ་གྲུབ་པས་ན་གྲུབ་དང་། དེ་ལས་ཕར་འགྲོ་བ་མེད་པས་ན་མཐའ་འོ། རང་གི་སྟོན་པས་གསུངས་པའི་གཞུང་གང་རུང་ལ་བརྟེན་ནས་རིགས་པས་དཔྱད་པ་ཡང་ཡང་བྱས་པའི་མཐར། རང་གི་བློ་ངོར་ཐག་བཅད་པའི་མཐར་ཐུག་གི་ཁས་ལེན་དེ་གྲུབ་མཐའི་མཚན་ཉིད། རྣམ་རྟོག་གིས་སྒྲོ་བཏགས་པའི་ཆ་བཞག་བཟློག་ནས་རང་གི་བློ་ངོར་རིགས་པའི་དོན་གྱི་གནས་ཚུལ་ཡང་དག་པར་གྲུབ་པ་ཉིད་གྲུབ་མཐའི་ངོ་བོ། གྲུབ་མཐའ་དེ་གཞན་ལ་སྨྲ་བར་བྱས་པས་ན་གྲུབ་མཐའ་སྨྲ་བ་ཞེས་བརྗོད། yitརྨ་ཡུལ་ཁྲི་ཀའི་ཤེས་རིག་གླིང་།
    དང་པོ། རྙིང་མ་བ།yitརྨ་ཡུལ་ཁྲི་ཀའི་ཤེས་རིག་གླིང་།
རྙིང་མ་བའི་གྲུབ་མཐའ་ནི་བོད་ཀྱི་གནའ་རབས་ཀྱི་ནང་པ་སངས་རྒྱས་པའི་ཆོས་ཤིག་ཡིན་ཞིང་། དེ་ལ་བོད་ཀྱི་བསྟན་པ་སྔ་དར་གྱི་ཆོས་ལུགས་ཞེས་བརྗོད་ཅིང་། བསྟན་པ་ཕྱི་དར་གྱི་དུས་ལས་ལོ་བཞི་བརྒྱ་ལྷག་ཙམ་དར་སྔ་བས་མིང་དུ་རྙིང་མའི་ཆོས་ལུགས་ཞེས་ཐོགས། ཆོས་ལུགས་ཀྱི་ནང་དོན་ཐོག་ནས་བརྗོད་ན་མདོ་ཕྱོགས་ཀྱི་བསྟན་པ་སྔ་ཕྱིའི་དབར་དབྱེ་བ་མ་མཆིས། སྔགས་ཀྱི་ཆ་ནས་མཚོན་ན། གསར་རྙིང་བར་དབྱེ་བྱ་ཕྲན་བུ་ཡོད། དེའང་ཐེག་པ་རིམ་དགུར་གྲགས་པ་གསང་སྔགས་སྔ་གྱུར་བའི་ཆོས་ལུགས་ཞེས་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་དུས་སུ་བོད་སྐད་དུ་ཐོག་མར་བསྒྱུར་ཞིང་། སློབ་དཔོན་པད་མ་འབྱུང་གནས་ཀྱིས་དར་རྒྱས་སུ་སྤེལ་བའི་རིང་ལུགས་འཛིན་མཁན་རྗེས་འབྲངས་དང་བཅས་པར་ཟེར་ཞིང་། རྙིང་ལུགས་ལ་ཐེག་པ་རིམ་དགུ་ཡོད་པ་སྟེ། ཉན་ཐོས། རང་རྒྱལ། བྱང་སེམས་ཏེ་སྤྲུལ་སྐུ་ཤཱཀྱ་ཐུབ་པས་གསུངས་པའི་ཐུན་མོང་གི་ཐེག་པ་གསུམ་དང་། ཀྲི་ཡ། ཨུ་པ། ཡོ་ག་སྟེ་ལོངས་སྐུ་རྡོ་རྗེ་སེམས་པས་གསུངས་པའི་གསང་སྔགས་ཀྱི་ཕྱིའི་ཐེག་པ་གསུམ། བསྐྱེད་པ་མ་ཧྭ་ཡོ་ག ལུང་ཨ་ནུ་ཡོ་ག། རྫོགས་པ་ཆེན་པོ་ཨ་ཏི་ཡོ་ག་སྟེ་ཆོས་སྐུ་ཀུན་ཏུ་བཟང་པོས་གསུངས་པའི་ནང་གི་ཐེག་པ་བླ་ན་མེད་པ་གསུམ་བཅས་སོ། 《ཐུའུ་བཀན་གྲུབ་མཐའ》ལས། རྙིང་མའི་ཆོས་ཀྱི་སྙིང་པོར་གྱུར་པ་ནི་མན་ངག་རྗོགས་པ་ཆེན་པོར་གྲགས་པ་སྟེ། དེ་ལ་ཡང་སེམས་སྡེ་དང་། ཀློང་སྡེ་དང་། མན་ངག་གི་སྡེ་གསུམ། སེམས་སྡེ་མ་བུ་བཅོ་བརྒྱད་ལས་ལྔ་བེེ་རོ་ཙ་ན་དང་། བཅུ་གསུམ་བི་མ་ལ་ལས་བྱུང་། ཀློང་སྡེ་ཡང་བི་མ་ལ་ལས་བྱུང་ཞིང་། མན་ངག་གི་སྡེ་ལ་སྙིང་ཏིག་ཅེས་གྲགས་ཏེ་བེེ་རོ་ཉིད་ལས་བྱུང་བའོ། ཞེས་གསུངས་ཤིང། གྲུབ་མཐའ་དེའི་ཉམས་ལེན་གྱི་གཞུང་གཙོ་བོ་རྫོགས་པ་ཆེན་པོ་དང་། སྐྱབས་སུ་བཅོལ་ཡུལ་གཙོ་བོ་སློབ་དཔོན་པད་མ་འབྱུང་གནས་ཡིན། yitརྨ་ཡུལ་ཁྲི་ཀའི་ཤེས་རིག་གླིང་།
    གཉིས་པ། ས་སྐྱ་བ། yitརྨ་ཡུལ་ཁྲི་ཀའི་ཤེས་རིག་གླིང་།
ས་སྐྱ་བའི་མ་དགོན་དེ་ས་སྐྱ་དབོན་པོ་རིའི་ས་དཀར་གྱི་དབུས་ལོགས་སུ་བཏབ་པ་འབྲེལ་བ་རྒྱུ་མཚན་དུ་བྱས་ནས། དགོན་པ་དེར་ས་སྐྱ་དགོན་པ་ཞེས་མཚན་སྙན་ཐོགས་པ་མ་ཟད། དེའི་ཆོས་ལུགས་ཀྱི་གྲུབ་མཐའ་ལའང་ས་སྐྱ་བ་ཞེས་པའི་མཚན་སྙན་ཡུལ་གྲུ་ཀུན་ལ་གྲགས་པ་རེད། ས་ཆེན་དཀོན་ཅོག་རྒྱལ་པོ་མཆོག་ནས་རིང་ལུགས་དེའི་སྲོལ་གཏོད་ནས་བོད་ཀྱི་རབ་བྱུང་དང་པོའི་ཆུ་གླང་ལོ་སྟེ་སྤྱི་ལོ་1073ལོར་གདན་ས་ཆེན་པོ་དེ་དངོས་སུ་ཕྱག་བཏབ་པའི་ཁར། ས་ཆེན་ཀུན་དགའ་རྙིང་པོ་སོགས་གོང་མ་རྣམ་ལྔས་དར་རྒྱས་སུ་བཏང་ཞིང་། གསུང་ངག་ལམ་འབྲས་ཆོས་ཀྱི་སྙིང་པོར་བྱེད་པའི་རིང་ལུགས་འཛིན་མཁན་རྗེས་འབྲངས་པ་ཆགས། དེ་ལ་ཆོས་རྒྱུད་དང་གདུང་རྒྱུད་གཉིས་ཡོད། རབ་བྱུང་བཞི་པར་ས་པཎ་ཁུ་དབོན་ཧོར་གྱི་རྒྱལ་པོ་དང་མཆོད་ཡོན་གྱི་འབྲེལ་བ་ལ་བརྟེན་ནས་ས་སྐྱ་པས་ལོ་གྲངས་བརྒྱ་ཙམ་གྱི་བར་དུ་བོད་ཁམས་ཡོངས་ལ་དབང་བསྒྱུར་ཏེ། ཏཱ་དབེན་གོང་མ་རྒྱལ་པོའི་ལུང་བཞིན་བླ་མས་ཆོས་ཀྱིས་བྱ་བ་མཛད་ཅིང་། ཆོས་དང་མཐུན་པའི་འཇིག་རྟེན་གྱི་བཀའ་གནང་། བླ་དཔོན་རྣམས་ཀྱིས་སྲིད་ཀྱི་བྱ་བ་མཛད། ས་སྐྱ་པའི་བསྟན་འཛིན་སྐྱེས་བུ་མང་ཞིང་། དེ་ཡང་གསང་སྔགས་ཀྱི་བསྟན་པ་འཛིན་མཁན་གྲགས་པ་ཆེ་ཤོས་ངོར་རྫོང་གཉིས་ཏེ། ངོར་ཆེན་ཀུན་དགའ་བཟང་པོ་དང་རྗོང་པ་ཀུན་དགའ་རྣམ་རྒྱལ་གཉིས་ཡིན། ཕྱིས་གསང་སྔགས་ལུགས་ཀྱི་བསྟན་པ་འཛིན་མཁན་ལ་ངོར་ལུགས་ཞེས་དང་། མདོ་ཕྱོགས་ཀྱི་བསྟན་པ་འཛིན་མཁན་ལ་རྫོང་ལུགས་ཞེས་འབོད་པ་མང། མདོ་ཕྱོགས་ཀྱི་བསྟན་པ་འཛིན་མཁན་གྲགས་པ་ཆེ་ཤོས་སུ་གཡག་རོང་གཉིས་ཡིན་ཞིང་། ཁོང་རྣམ་གཉིས་ཀྱིས་མཛད་པའི་མདོ་་ཕྱོགས་ཀྱི་བཀའ་བསྟན་བཅོས་ཤིན་ཏུ་མང་བ་དང་། རིག་པའི་གནས་ལྔ་ལ་བྱང་ཆུབ་པའི་བུ་སློབ་ཡང་ཤིན་ཏུ་མང། ཉམས་ལེན་བྱ་ཡུལ་གྱི་གཞུང་གཙོ་བོ་《ལམ་འབྲས》ཞེས་པ་དེ་ཡིན།yitརྨ་ཡུལ་ཁྲི་ཀའི་ཤེས་རིག་གླིང་།
    གསུམ་པ། བཀའ་གདམས་པ།yitརྨ་ཡུལ་ཁྲི་ཀའི་ཤེས་རིག་གླིང་།
འདི་ནི་སྤྱི་ལོའི་དུས་རབས་བཅོ་ལྔ་ཙམ་ལ་བྱུང་བའི་སངས་རྒྱས་ཀྱི་བཀའ་ལས་ཡིག་འབྲུ་གཅིག་ཀྱང་མ་ལུས་པར་ཚང་མ་གདམས་ངག་ཏུ་གོ་བའི་གྲུབ་མཐའ་ཞིག་སྟེ། ཇོ་བོ་རྗེ་ཨ་ཏི་ཤ་ནས་དབུ་བརྙེས། འབྲོམ་སྟོན་པ་རྒྱལ་བའི་འབྱུང་གནས་ཀྱིས་སྲོལ་ཕྱེས། པོ་ཏོ་བ་དང་། སྤྱན་སྔ་བ། ཕུ་ཆུང་བ་བཅས་ལ་བཀའ་གདམས་སྐུ་མཆེད་གསུམ་ཞེས་གྲགས་པ་ནས་དར་ཞིང་རྒྱས་པར་མཛད། གླང་རི་ཐང་པ་དང་ཤ་ར་བ་གཉིས། བྱ་ཡུལ་བ་སོགས་ཀྱིས་དེ་བས་ཀྱང་རྒྱས་པར་མཛད། བཀའ་གདམས་པའི་སློབ་བརྒྱུད་ཡོངས་སུ་གྲགས་པ་ལ་གཞུང་པ་དང་གདམས་ངག་པ་གཉིས་སམ། ཡང་ན་མན་ངག་པ་དང་གསུམ་དུ་གྱེས། གྲུབ་མཐའ་དེའི་ཉམས་ལེན་གྱི་གཞུང་གཙོ་བོ་ནི《བྱང་ཆུབ་ལམ་གྱི་སྒྲོན་མེ》ཞེས་པ་དེ་ཡིན། གཞུང་དེ་ནི་ཇོ་བོ་རྗེ་ཨ་ཏི་ཤ་བོད་དུ་ཕེབས་པའི་རྗེས་མཛད་པའི་ལམ་རིམ་གྱི་གཞུང་ཞིག་ཡིན། yitརྨ་ཡུལ་ཁྲི་ཀའི་ཤེས་རིག་གླིང་།
    བཞི་པ། བཀའ་བརྒྱུད་པ། yitརྨ་ཡུལ་ཁྲི་ཀའི་ཤེས་རིག་གླིང་།
བཀའ་བརྒྱུད་བསྟན་པའི་སྲོལ་གཏོད་མཁན་ནི་མར་པ་ལོ་ཙྰ་བ་ཆོས་ཀྱི་བློ་གྲོས་ཡིན། ཁོང་ནི་སྤྱི་ལོ1012ལོར་ལྷོ་བྲག་ཕུ་ཆུ་ཁྱེར་དུ་སྐུ་འཁྲུངས་པ་དང་། དེ་ནས་དང་པོ་འབྲོག་མིའི་དྲུང་དུ་ལོ་ཙྰ་བ་བསླབས། རྗེས་སུ་རྒྱ་གར་དུ་ལན་གསུམ་དང་བལ་ཡུལ་དུ་ལན་གསུམ་བྱོན་ནས་པན་ཆེན་ནཱ་རོ་པ་དང་མངའ་བདག་མེ་ཏྲེ་བ་སོགས་གྲུབ་ཐོབ་ཀྱི་བླ་མ་མང་དུ་བསྟེན། ཀྱེ་རྡོར་དང་། གསང་འདུས། ཕྱག་རྒྱ་ཆེན་པོ་སོགས་གསང་སྔགས་ཀྱི་གདམས་པ་མཐའ་ཡས་བསླབས།སླར་བོད་ཡུལ་དུ་ཕྱིར་ཕེབས་ནས་ལྷོ་བྲག་གྲོ་བོ་ལུང་དུ་བཞུགས། རག་སྟོན་ཆོས་སྐུ་རྡོ་རྗེ་དང་། ཚུར་སྟོན་དབང་གི་རྡོ་རྗེ། མེས་སྟོན་ཚོན་པོ། མི་ལ་རས་པ་ལ་སོགས་སློབ་མ་མང་དུ་བསྐྱངས། དགུང་ལོ་གྱ་དྲུག་སྟེ། སྤྱི་ལོ་1097ལོར་སྐུ་མྱ་ངན་ལས་འདས། བཀའ་བརྒྱུད་ནི། རྒྱལ་བ་རྡོ་རྗེ་འཆང་གིས་གསུངས་པའི་གསང་སྔགས་ཀྱི་གདམས་པའི་བཀའ་བབས་ཀྱི་ཆོས་བརྒྱུད་འཛིན་མཁན་ཞིག་སྟེ། བོད་དུ་དེའི་རིང་ལུགས་སྲོལ་འབྱེད་གྲུབ་ཆེན་ཁྱུང་པོ་མཁས་གྲུབ་ནས་བརྒྱུད་པ་ལ།ཤངས་པ་བཀའ་བརྒྱུད་དང་། ལྷོ་བྲག་མར་པ་ནས་བརྒྱུད་པ་ལ། དྭགས་པོ་བཀའ་བརྒྱུད་ཟེར། དེ་ལའང་ནང་གསེས་སུ་ཕྱེ་ན་ཀརྨ་དང་། ཚལ་པ། འབའ་རོམ། ཕག་གྲུ་བཅས་བཞི་ཡོད། ཕག་གྲུ་བཀའ་རྒྱུད་ལའང་འབྲི་གུང་དང་། སྟག་ལུང་། འབྲུག་པ། གཡའ་བཟང་། ཁྲོ་ཕུ། ཤུག་གསེབ། ཡེར་པ། རྨན་ཚང་ཞེས་པ་ལ་སོགས་མང་པོ་ཡོད། བཀའ་བརྒྱུད་པའི་ཉམས་ལེན་བྱ་ཡུལ་དུ་གྱུར་པའི་གཞུང་གཙོ་བོ་ཕྱག་རྒྱ་ཆེན་པོ་ཡིན། ལ་ལ་བས་འབྲས་བུ་མཐར་ཐུག་གམ་མཆོག་གི་དངོས་གྲུབ་ཕྱག་རྒྱ་ཆེན་པོ་ཞེས་བྱ་སྟེ། མཆོག་ཏུ་མི་འགྱུར་བའི་བདེ་བ་དང་། དེ་ལ་རྒྱས་འདེབས་པའི་རྣམ་པ་ཐམས་ཅད་པའི་གཟུགས་སྐད་ཅིག་དང་པོར་ཐོས་པ་དེ་ལས། བྲི་བ་དང་གང་བ་མེད་པ་ཡེ་ཇི་བཞིན་པའི་ངོ་བོ་ཉིད་ཀྱིས་ནམ་མཁའ་ཇི་སྲིད་པ་དེ་སྲིད་དུ་རྟག་ཏུ་གནས་ཤིང་གཞར་ཡང་དེ་ལས་འདར་མི་སྤྱོད་པ་ཉིད་ཀྱིས་ཕྱག་རྒྱ་ཡིན་ལ། སྤོང་པ་དང་རྟོགས་པ་དང་སེམས་ཏེ་ཆེན་པོ་གསུམ་དང་ལྡན་པ་ན། ཆེན་པོ་ཕྱག་རྒྱ་ཆེན་པོ་ཞེས་བྱ་བར་འགྲེལ་པ་མཛད་རུང་། ཡང་ལ་ལ་བས། ཕྱག་དང་རྒྱ་ཞེས་ཡིག་འབྲུ་རེ་རེ་འཕྲུལ་ནས་སྒྲ་དོན་འགྲེལ་བཤད་བྱ་རྒྱུ་མེད་པར། ཕྱག་རྒྱ་ཞེས་པ་ལག་གི་རྙིམ་པ་ཁ་སྦྱོར་བར་ཟེར་ཞིང་། དོན་ལ། ཐབས་དང་ཤེས་རབ་ཟུང་དུ་འཇུག་པའམ། གསལ་སྟོང་མཉམ་སྦྱོར་ཆེན་པོའི་དོན་ལ་གོ་དགོས་པར་ངོས་འཛིན་གྱི་ཡོད།yitརྨ་ཡུལ་ཁྲི་ཀའི་ཤེས་རིག་གླིང་།
    ལྔ་པ། དགེ་ལུགས་པ། yitརྨ་ཡུལ་ཁྲི་ཀའི་ཤེས་རིག་གླིང་།
དགེ་ལུགས་པའམ་དགའ་ལྡན་པ་ཞེས་པ་ནི་གདན་སའི་མིང་ཆོས་མིང་ལ་ཐོགས་པ་ཞིག་སྟེ། རྗེ་རིན་པོ་ཆེས་འབྲོག་རི་བོར་དགའ་ལྡན་རྣམ་པར་རྒྱལ་བའི་གླིང་བཏབ་ནས་སྐུ་ཚེའི་སྨད་དུ་དེར་བརྟན་ཆགས་པར་བཞུགས་ནས་སྤྲེལ་བའི་རྗེའི་རིང་ལུགས་ལ་ཆོས་རྗེ་དགའ་ལྡན་པའི་ལུགས་ཞེས་འབོད་པ་བྱུང་། དེ་ཚིག་སྣ་བསྡུས་ནས་བརྫོད་པའི་ཚེ་དགའ་ལུགས་ཞེས་བརྗོད་མི་བདེ་བས་དགེ་ལུགས་པ་ཞེས་འབོད་པ་རྒྱུན་ཆགས་པ་ཡིན་སྐད་འདུག འོན་ཀྱང་ལ་ལ་བས་གང་གི་ལྟ་སྤྱོད་དགེ་བས་འདི་ལྟར་ཐོགས་ཞེས་གསུང་བའང་སྣང་། དགེ་ལུགས་པའི་གྲུབ་མཐའ་ནི། རྗེ་ཙོང་ཁ་པ་བློ་བཟང་གྲགས་པ་ཡབ་སྲས་ཀྱིས་སྲོལ་གཏོད་ནས་དར་རྒྱས་མཛད་པའི་མདོ་སྔགས་བཤད་སྒྲུབ་ཟུང་འབྲེལ་གྱི་རིང་ལུགས་འཛིན་མཁན་རྗེས་འབྲངས་པ་རྣམས་ལ་བྱ་བ་ཡིན། དགེ་ལུགས་པའི་གྲྭ་པ་རྣམས་ཀྱིས་ཞྭ་མོ་ཚང་མ་སེར་པོ་ཡིན་པས་ཞྭ་སེར་པའང་ཟེར། yitརྨ་ཡུལ་ཁྲི་ཀའི་ཤེས་རིག་གླིང་།
    གྲུབ་མཐའ་འདི་སྲོལ་གཏོད་མཁན་རྗེ་ཙོང་ཁ་པ་བློ་བཟང་གྲགས་པ་ནི་རབ་བྱུང་དྲུག་པའི་མེ་བྱ་སྤྱི་ལོ་1357ལོར་མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་བདུན་ལ་རབ་ཏུ་བྱུང་ཞིང་། བཅུ་དྲུག་ལ་དབུས་སུ་ཕེབས། རིག་གནས་དང་བཀའ་པོད་ལྔ་སོགས་ཀྱི་གཞུང་ལུགས་ལ་ཐོས་བསམ་སྒོམ་གསུམ་གྱི་ཉམས་ལེན་དཔག་མེད་མཛད་ནས་ལམ་རིམ་དང་སྔགས་རིམ་ལ་སོགས་པའི་ལྗགས་རྩོམ་དུ་མ་སྤེལ། མདོ་སྔགས་ཀྱི་བསྟན་པ་དག་ཐེར་ནན་གཏན་མཛད། བོད་ས་གླང་སྤྱི་ལོ་1409ལོར་ལྷ་ལྡན་སྨོན་ལམ་ཆེན་མོ་བཙུགས། དགའ་ལྡན་དགོན་པ་དང་བདེ་ཆེན་གསང་སྔགས་མཁར་ཕྱག་བཏབ། རྒྱལ་ཚབ་རྗེ་དང་། མཁས་གྲུབ་རྗེ། དགེ་འདུན་གྲུབ་སོགས་སློབ་མ་མང་དུ་བསྐྱངས། བོད་ས་ཕག་སྤྱི་ལོ1419ལོར་འདས། གྲུབ་མཐའ་དེ་ནི་རྗེ་རིན་པོ་ཆེས་སྔར་ཡོད་ཀྱི་གྲུབ་མཐའ་བྱེ་བྲག་རྣམས་ཀྱི་བཟང་ཆ་སྡུ་ལེན་བྱས་ནས་ལེགས་བཅོས་བྱས་ཏེ་གྲུབ་པའི་གྲུབ་མཐའ་ཞིག་ཡིན་སྟབས། ཡུལ་ལུང་འགའ་རེར་དེར་གསར་མ་ཡང་ཟེར་སྲོལ་ཡོད། ཉམས་ལེན་གྱི་གཞུང་གཙོ་བོ་ནི་《བྱང་ཆུབ་ལམ་རིམ་ཆེན་མོ》ཡིན།yitརྨ་ཡུལ་ཁྲི་ཀའི་ཤེས་རིག་གླིང་།
 yitརྨ་ཡུལ་ཁྲི་ཀའི་ཤེས་རིག་གླིང་།

支持此新闻
返回首页

དཔྱད་བརྗོད་སྤེལ་བ། ད་སྔ་སྡོམ་པས་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།