བཅོམ་ལྡན་འདས་རྗེ་བཙུན་བཞད་པའི་རྡོ་རྗེ་ལ་བསྟོད་པའི་ཚིགས་སུ་བཅད་པ།
རྩོམ་པ་པོ།      སྤེལ་དུས།  2012-09-14 21:35:48    རྡེབ་ཚད།     ཡོང་ཁུངས། ངེད་དྲ་ཚིགས།

        རྒྱ་གར་སྐད་དུ་། སུ་ཧྲི་ད་ལེ་ཁ། བོད་སྐད་དུ། བཤེས་པའི་སྤྲིངས་ཡིག།འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།ཡོན་ཏན་རང་བཞིན་དགེ་འོས་བདག་གིས་ནི།བདེ་བར་གཤེགས་པའི་གསུང་སྙན་ལས་བྱུང་བའི།བསོད་ནམས་འདུན་སླད་འཕགས་པའི་དབྱངས་འདི་དག །ཅུང་ཟད་ཅིག་བསྡེབས་ཁྱོད་ཀྱིས་གསན་པའི་རིགས།ཇི་ལྟར་བདེ་བཤེགས་སྐུ་གཟུགས་ཤིང་ལས་ཀྱང་།བགྱིས་པ་ཅི་འདྲའང་རུང་སྟེ་མཁས་པས་མཆོད་དེ་བཞིན་བདག་གི་སྙན་ངག་འདི་ངན་ཡང་།དམ་ཆོས་བརྗོད་ལ་བརྟེན་སླད་སྨད་མི་བགྱི།ཐུབ་པ་ཆེན་ཕོའི་བཀའ་ནི་སྙན་དགུ་ཞིག།ཁྱོད་ཀྱི་ཐུགས་སུ་ལྟ་ཡང་ཆུད་མོད་ཀྱི།རྡོ་ཐལ་ལས་བགྱིས་དགུང་ཟླའི་འོད་ཀྱིས་ནི། ཆེས་དཀར་ཉིད་དུ་ཅི་སྟེ་མི་བགྱིད་ལགས།།རྒྱལབས་སངས་རྒྱས་ཆོས་དང་དགེ་འདུན་དང་།།གཏོང་དང་ཚུལ་ཁྲིམས་ལྷ་རྗེས་དྲན་པ་དྲུག།རབ་ཏུ་བཀའ་སྩལ་དེ་དག་སོ་སོ་ཡི།།ཡོན་ཏན་ཚོགས་ཀྱིས་རྗེས་སུ་དྲན་པར་བགྱི།།དགེ་བའི་ལས་ལམ་བཅུ་པོ་ལུས་དང་ནི།། ངག་དང་ཡིད་ཀྱིས་རྟག་ཏུ་བསྟེན་བགྱི་ཞིང་།།ཆང་རྣམས་ལས་བཟློག་དེ་བཞིན་དགེ་བ་ཡི།།འཚོ་བ་ལ་ཡང་མངོན་པར་དགྱེས་པར་མཛོད།།ལོངས་སྤྱོད་གཡོ་བ་སྙིང་པོ་མེད་མཁྱེན་ནས་དགེ་སློང་བྲམ་ཟེ་བཀྲེན་དང་བཤེས་རྣམས་ལ།སྦྱིན་པ་ཚུལ་བཞིན་སྩལ་བགྱི་ཕ་རོལཏུ།སྦྱིན་ལས་གཞན་པའི་གཉེན་མཆོག་མ་མཆིས་སོ།ཁྱོད་ཀྱིས་།ཚུལ་ཁྲིམས་མ་ཉམས་མོད་མི་དམའ།མ་འདྲེས་མ་སྦགས་མ་གོས་བསྟེན་པར་མཛོད།།ཁྲིམས་ནི་རྒྱུ་དང་མེ་རྒྱུའི་ས་བཞིན་དུ།།ཡོན་ཏན་ཀུན་གྱི་གཞི་རྟེནལགས་པར་གསུངས།སྦྱིན་དང་ཚུལ་ཁྲིམས་བཟོད་བརྩོན་བསམ་གཏན་དང་།མ་མ་དེབཞིན་ཤེས་རབ་གཞལ་མེད་ཕ་རོལ་ཕྱིན།འདི་དག་རྒྱས་མཛོད་སྲིད་པའི་རྒྱ་མཚོ་ཡི།།ཕ་རོལ་ཕྱིན་པ་རྒྱལ་བའི་དབང་པོར་མཛོད།།གང་ལ་ཕ་དང་མ་དང་མཆོད་པ་ཡི།།རིགས་དེ་ཚངས་བཅས་སློབ་དཔོན་བཅས་པ་ལགས།།དེ་དག་ལ་མཆོད་གྲགས་པར་འགྱུར་བ་དང་།།སླད་མ་ལ་ཡང་མཐོ་རིས་འགྱུར་བ་ལགས།།འཚི་དང་ཆོམ་རྐུན་འཁྲིག་པ་བརྫུན་དང་ནི།།ཆང་དང་དུས་མིན་ཟས་ལ་ཆགས་པ་དང་།།མལ་སྟན་མཐོ་ལ་དགའ་དང་གླུ་དག་དང་།།གར་དང་ཕྲེང་བའི་ཁྱད་པར་རྣམས་སྤོང་ཞིང་།།དགྲ་བཅོམ་ཚུལ་ཁྲིམས་རྗེས་སུ་བྱེད་པ་ཡི།།ཡན་ལག་བརྒྱད་པོ་འདི་དག་དང་ལྡན་ན།།གསོ་སྦྱོང་འདོད་སྤྱོད་ལྷ་ལུས་ཡིད་འོང་བ།།སྐྱེས་པ་བུད་མེད་དག་ལ་སྩོལ་བར་བགྱིད།།སེར་སྣ་གཡོ་སྒྱུ་ཆགས་དང་སྙོམ་ལས་དང་།།མངོན་པའི་ང་རྒྱལ་འདོད་ཆགས་ཞེ་སྡང་དང་།།རིགས་དང་གཟུགས་དང་ཐོས་པ་ལང་ཚོ་དང་།།དབང་ཐང་ཆེ་བས་རྒྱགས་པ་དགྲ་བཞིན་གཟིགས།།བག་ཡོད་བདུད་རྩིའི་གནས་ཏེ་བག་མེད་པ།།འཆི་བའི་གནས་སུ་ཐུབ་པས་བཀའ་སྩལ་ཏེ།།དེ་བའི་ཁྱོད་ཀྱིས་དགེ་ཆོས་སྤེལ་སླད་དུ།། གུས་པས་རྟག་ཏུ་བག་དང་མཅས་པར་མཛོད།།གང་ཞིག་སྔོན་ཆད་བག་མེད་གྱུར་པ་ལས།།ཕྱི་ནས་བག་དང་ལྡན་པ་གྱུར་དེ་ཡང་།།ཟླ་བ་སྤྲིན་བྲབ་ལྟ་བུར་རྣམ་མཛེས་ཏེ།།དགའ་བོ་སེར་ཕྲེང་མཐོང་ལྡན་བདེ་བྱེད་བཞིན།།འདི་ལྟར་བཟོད་མཚུངས་དཀའ་ཐུབ་མ་མཆིས་པས།།ཁྱོད་ཀྱིས་ཁྲོ་བའི་གོ་སྐབས་དབྱེ་མི་བགྱི།།ཁྲོ་བ་སྤངས་པས་ཕྱིར་མི་ལྡོག་པ་ཉིད།།འཐོབ་པར་འགྱུར་བར་སངས་རྒྱས་ཞལ་གྱིས་བཞེས།།བདག་ནི་འདིས་སྤྱོས་འདིས་བཏགས་ཕམ་པར་བྱས།།འདི་ཡིས་བདག་ནོར་ཕྲོགས་པར་གྱུར་ཏོ་ཞེས།།ཁོན་དུ་འཛིན་པའང་འཁྲུག་ལོང་རྣམ་སྐྱེད་དེ།།ཁོན་འཛིན་རྣམ་སྤངས་བདེ་བར་གཉིད་ཀྱིས་ལོག།སེམས་ཅན་ཆུ་དང་ས་དང་རྡོ་བ་ལ།།རི་མོ་བྲིས་པ་དེ་འདྲར་རིག་པར་བགྱི།།དའི་ནང་ཉོས་མོངས་ཅན་ལ་དང་པོ་ནི།།མཆོག་སྟེ་ཆོས་འདོད་རྣམས་ལ་ཐ་མ་ལགས།།རྒྱལ་བས་སྙིང་ལ་འབབ་དང་དེན་པ་དང་།།ལོག་པར་སྨྲ་ལྡན་སྐྱེས་བུ་རྣམས་ཀྱི་ནི།།སྤྲང་རྩི་མེ་ཏོག་མི་གཙང་ལྟ་བུའི་ཚིག།རྣམ་གསུམ་བཀའ་སྩལ་དེ་ལས་ཐ་མ་སྤང་།།སྣང་ནས་སྣང་བའི་མཐར་ཐུག་མུན་པ་ནས།།མུན་པའི་མཐའ་དང་སྣང་ནས་མུན་མཐར་ཐུག། མུན་ནས་སྣང་བའི་མཐར་ཐུག་གང་ཟག་ནི།།བཞི་སྟེ་དེ་དག་རྣམས་ཀྱི་དང་པོ་མཛོད།།མི་ནི་ཨ་མྲའི་འབྲས་བཞིན་མ་སྨིན་ལ།།སྨིན་པ་དང་འདྲ་སྨིན་ལ་མ་སྨིན་འདྲ།།མ་སྨིན་མ་སྨིན་པར་སྣང་སྨིན་ལ་ནི།།སྨིན་པར་སྣང་ཞེས་བགྱི་བ་འདྲར་རྟོགས་མཛོད།།གཞན་གྱི་ཆུང་མ་མི་ལྟ་མཐོང་ན་ཡང་།། ན་ཚོད་མཐུནཔར་མ་དང་བུ་མོ་དང་།།སྲིང་མོའི་འདུ་ཤིས་བསྐྱེད་བགྱི་ཆགས་འགྱུར་ན།།མི་གཙང་ཉིད་དུའང་ཡང་དག་བསམ་པར་བགྱི།།གཡོ་བའི་སེམས་ནི་ཐོས་མཚུངས་བུ་ལྟ་བུར།།གཏེར་བཞིན་སྲོག་དང་འདྲ་བར་བསྲུང་བགྱི་སྟེ།།གདུག་པ་དུག་དང་མཚོན་དང་དགྲབོ་དང་།།མེ་བཞིན་འདོད་པའི་བདེ་ལ་ཡིད་བྱུང་མཛོད།།འདོད་པ་རྣམས་ནི་ཕུང་ཁྲོལ་བསྐྱེད་པ་སྟེ།།རྒྱལ་བའི་དབང་པོས་ཀིམ་པའི་འབྲས་འདྲར་གསུགས།།དེ་དག་སྤང་བགྱི་དེ་ཡི་ལྕགས་སྒྲོག་གིས།།འཁོར་བའི་བརྩོན་རར་འཇིག་རྟེན་འདི་དག་བཅིགས།། གང་དག་དབང་པོ་དྲུག་ཡུལ་རྣམས་ལ་ནི།།རྟག་ཏུ་མི་བརྟན་གཡོ་དང་གང་དག་ཅིག །གཡུལ་ངོར་དགྲ་ཚོགས་ལས་རྒྱལ་དེ་དག་ལས།།མཁན་རྣམས་དང་པོ་དཔའ་རབ་ལགས་པར་འཚལ།།བུད་མེད་གཞོན་ནུའི་ལུས་ནི་ལོགས་ཤིས་ཏུ།།དྲི་ང་བ་དང་སྒོ་དགུ་དོད་པ་དང་།།མི་གཙང་ཀུན་སྣོད་འགྲོ་བ་དགང་དཀའ་དང་།།ལྤགས་པས་གཡོགས་པར་རྒྱན་ཡང་ལོགས་ཤིག་གཟིགས།།ཇི་ལྟར་མཛེ་ཅན་སྲིན་བུས་ཉེན་པ་ན།།བདེ་བའི་དོན་དུ་མེ་ལ་ཀུན་བསྟན་ཀྱང་།།ཞི་བར་མི་འགྱུར་དེ་ཉིད་འདྲ་བར་ནི།།འདོད་པ་རྣམས་ལ་ཆགས་པའང་མཁྱེན་པར་མཛོད།།དོན་དམ་གཟིགས་པར་བགྱི་སླད་དངོས་རྣམས་ལ།།ཚུལ་བཞིན་ཡིད་ལ་བགྱིད་པ་དེ་གོམས་མཛོད།།དེ་དག་འདྲ་བར་ཡོན་ཏན་ལྡན་པ་ཡི།།ཆོས་གཞན་གཅིག་འགའང་མཆིས་པ་མ་ལགས་སོ།།སྐྱེས་བུ་རིགས་གཟུགས་ཐོས་དང་ལྡན་རྣམས་ཀྱང་།།ཤེས་དང་ཚུལ་ཁྲིམས་བྲལ་བ་བཀུར་མ་ལགས།།དེ་ལྟས་གང་ལ་ཡོན་ཏན་འདི་གཉིས་ལྡན།།དེ་ནི་ཡོན་ཏན་གཞན་དང་བྲལ་ཡང་མཆོད།།འཇིག་རྟེན་མཁྱེན་པ་རྙེད་དང་མ་རྙེད་དང་།།བདེ་དང་མི་བདེ་སྙན་དང་མི་སྙན་དང་།།བསྟོད་སྨན་ཅེས་བགྱི་འཇིག་རྟེན་ཆོས་བརྒྱད་པོ།།བདག་གིས་ཡིད་ཡུལ་མིན་པར་མགོ་སྙོམས་མཛོད།།ཁྱོད་ཀྱིས་བྲམ་ཟེ་དགེ་སློང་ལྷ་དང་ནི།།འགྲོན་དང་ཡབ་ཡུམ་དག་དང་བཙུན་མོ་དང་།།འཁོར་གྱི་སླད་དུ་སྡིག་པ་མི་བགྱི་སྟེ།།དམྱལ་བའི་རྣམ་སྨིན་སྐལ་ནོད་འགའ་མ་མཆིས།། སྡིག་པའི་ལས་རྣམས་སྤྱོད་པ་འགའ་ཡང་ནི།།དེ་ཡི་མོད་ལ་མཚོན་བཞིན་མི་གཅོད་ཀྱང་།། འཆི་བའི་དུས་ལ་བབ་ན་སྡིག་པ་ཡི།།ལས་ཀྱི་འབྲས་བུ་གང་ལགས་མངོན་པར་འགྱུར།།དད་དང་ཚུལ་ཁྲིམས་གཏོང་དང་ཐོས་པ་ནི།།དྲི་མེད་ངོ་ཚ་ཤེས་དང་ཁྲེལ་ཡོད་དང་།།ཤེས་རབ་ནོར་བདུན་ལགས་པར་ཐུབ་པས་གསུངས།།ནོར་གཞན་ཕལ་བ་དོན་མ་མཆིས་རྟོགས་མཛོད།།རྒྱན་པོ་འགྱེད་དང་འདུས་ལ་ལྟ་བ་དང་།།ལེ་ལོ་སྡིག་པའི་གྲོགས་ལ་བརྟེན་པ་དང་།།ཆང་དང་མཚན་མོ་རྒྱུ་བ་ངན་སོང་བ།།གྲགས་པ་ཉམས་པར་འགྱུར་བ་དེ་དྲུག་སྤོངས།། ནོར་རྣམས་ཀུན་གྱི་ནང་ནས་ཆོག་ཤེས་པ།།རབ་མཆོག་ལགས་པར་ལྷ་མའི་སྟོན་པས་གསུངས།།ཀུན་ཏུ་ཆོག་གཤེས་མཛོད་ཅིག་ཆོག་མཁྱེན་ན།།ནོར་མི་བདོག་ཀྱང་ཡང་དག་འབྱོར་པ་ལགས།།དེས་པ་བདོག་མང་ཇི་ལྟར་སྡུག་བསྔལ་བ།།འདོད་པ་ཆུང་རྣམས་དེ་ལྟ་མ་ལགས་ཏེ།།ཀླུ་མཆོག་རྣམས་ལ་མགོ་བོ་ཇི་སྙེད་པ།།དེ་ལས་བྱུང་བའི་སྡུག་བསྔལ་དེ་སྙེད་དོ།།རང་བཞིན་དགྲར་འབྲེལ་གཤེད་མ་ལྟ་བུ་དང་།།ཁྱིམ་ཐབ་བརྙས་བགྱིད་རྗེ་མོ་ལྟ་བུ་དང་།།ཆུང་ངུའང་རྐུ་བ་ཆོམ་རྐུན་ལྟ་བུ་ཡི།།ཆུང་མ་གསུམ་པོ་འདི་དག་རྣམ་པར་སྤང་།།སྲིང་མོ་ལྟ་བུར་རྗེས་མཐུན་གང་ཡིན་དང་།།མཛའ་མོ་བཞིན་དུ་སྙིང་ལ་འབབ་པ་དང་།།མ་བཞིན་ཕན་པར་འདོད་དང་བྲན་མོ་བཞིན།།དབང་གྱུར་གང་ཡིན་རིགས་ཀྱི་ལྷ་བཞིན་བཀུར།།ཁ་ཟས་སྨན་དང་འདྲ་བར་རིག་པ་ཡིས།།འདོད་ཆགས་ཞེ་སྡང་མེད་པར་བསྟེན་བགྱི་སྟེ།།རྒྱགས་ཕྱིར་མ་ལགས་སྙེམས་པའི་ཕྱིར་མ་ལགས།།མཚག་ཕྱིར་མ་ལགས་ལུས་གནས་འབའ་ཞིག་ཕྱིར།།རིགས་པའི་བདག་ཉིད་ཉེན་བར་མཐའ་དག་དང་།།མཚན་མོ་ཐུན་གྱི་སྟོད་སྨད་བཟླས་ནས་ནི།།མནལ་ཚེའང་འབྲས་བུ་མེད་པར་མི་འགྱུར་བར།།དྲན་དང་ལྡན་པར་དེ་དག་བར་དུ་མནོལ།།བྱམས་དང་སྙིང་རྗེ་དག་དང་དགའ་བ་དང་།།བཏང་སྙོམས་རྟག་ཏུ་ཡང་དག་བསྒོམས་མཛོད་ཅིག ། གོང་མ་བརྙེས་པར་མ་གྱུར་དེ་ལྟ་ནའང་།།ཚངས་པའི་འཇིག་རྟེན་བདེ་བ་ཐོབ་པར་འགྱུར།།འདོད་སྤྱོད་དགའ་དང་བདེ་དང་སྡུག་བསྔལ་དག ། རྣམ་པར་སྤངས་པའི་བསམ་གཏན་བཞི་བོ་ཡིས།།ཚངས་དང་འོད་གསལ་དག་དང་དགེ་རྒྱས་དང་།།འབྲས་བུ་ཆེ་ལྷ་རྣམས་དང་སྐལ་མཉམ་ཐོབ།།རྟག་དང་མངོན་པར་ཞེས་དང་གཉེན་པོ་མེད།།ཡོན་ཏན་གཙོ་ལྡན་གཞི་ལས་བྱུང་བའི་ལས།།དགེ་དང་མི་དགེ་རྣམ་ལྔ་ཆེན་པོ་སྟེ།།དེ་ལས་དགེ་བ་སྤྱོད་ལ་བརྩོན་པར་བགྱི།།ལན་ཚྭ་སྲང་འགས་ཆུ་ནི་ཉུང་ངུ་ཞིག །རོ་བརྒྱུར་བགྱིད་ཀྱི་གང་གའི་ཀླུང་མིན་ལྟར།།དེ་བཞིན་སྡིག་པའི་ལས་ནི་ཆུང་ངུ་ཡང་།།དགེ་བའི་ཙ་བ་ཡངས་པས་མཁྱེན་པར་བགྱི།། རྒོད་དང་འགྱོད་དང་གནོད་སེམས་རྨུགས་པ་དང་།།གཉིད་དང་འདོད་ལ་འདུན་དང་ཐེ་ཚོམ་སྟེ།།སྒྲིབ་པ་ལྔ་པོ་དེ་དག་དགེ་བའི་ནོར།།འཕྲོག་པའི་ཆོམ་རྐུན་ལགས་པར་མཁྱེན་པར་མཛོད།།དད་དང་བརྩོན་འགྲུས་དག་དང་དྲན་པ་དང་།།ཏིང་འཛིན་ཤེས་རབ་ཆོས་མཆོག་ལྔ་ཉིད་དེ།།འདི་ལ་མངོན་བརྩོན་མཛོད་ཅིག་འདི་དག་ནི།།སྟོབས་དབང་ཞེས་བགྱི་རྩེ་མོར་གྱུར་པའང་ལགས།།ན་རྒ་འཆི་སྡུག་བྲལ་དང་དེ་བཞིན་དུ།།ལས་ནི་བདག་གིར་བྱས་ལས་མ་འདས་ཞེས།།དེ་ལྟར་ཡང་དང་ཡང་དུ་སེམས་པ་ནི།།དེ་ཡི་གཉེན་པོའི་སྒོ་ནས་རྒྱགས་མི་འགྱུར།།གལ་ཏེ་མཐོ་རིས་ཐར་པ་མངོན་བཞེད་ན།།ཡང་དག་ལྟ་ལ་གོམས་པ་ཉིད་དུ་མཛོད།།གང་ཟག་ལོག་པར་ལྟ་བས་ལེགས་སྤྱད་ཀྱང་།།ཐམས་ཅད་རྣམ་པར་སྨིན་པ་མི་བཟད་ལྡན།།མི་ནི་ཡང་དག་ཉིད་དུ་མི་བདེ་ཞིང་།།མི་རྟག་བདག་མེད་མི་གཙང་རིག་པར་བགྱི།།དྲན་པ་ཉེ་བར་མ་གཞག་རྣམས་ཀྱིས་ནི།།ཕྱིན་ཅི་ལོག་བཞིར་ལྟ་བ་ཕུང་ཁྲོལ་བ།།གཟུགས་ནི་བདག་མ་ཡིན་ཞེས་གསུངས་ཏེ་བདག །གཟུགས་དང་མི་ལྡན་གཟུགས་ལ་བདག་གནས་མིན།།བདག་ལ་ཟུགས་མི་གནས་ཏེ་དེ་བཞིན་དུ།།ཕུང་པོ་ལྷག་མ་བཞི་ཡང་སྟོང་རྟོགས་བགྱི།།ཕུང་པོ་འདོད་རྒྱལ་ལས་མིན་དུས་ལས་མིན།།རང་བཞིན་ལས་མིན་ངོ་བོ་ཉིད་ལས་མིན།།དབང་ཕྱུག་ལས་མིན་རྒྱུ་མེད་ཅན་མིན་ཏེ།།མི་ཤེས་ལས་དང་སྲེད་ལས་བྱུང་རིག་མཛོད།།ཚུལ་ཁྲིམས་བརྟུལ་ཞུགས་མཆོག་འཛིན་རང་ལུས་ལ།།ཕྱིན་ཅི་ལོག་པར་ལྟ་དང་ཐེ་ཚོམ་སྟེ།།ཀུན་ཏུ་སྦྱོར་བ་འདི་གསུམ་ཐར་པ་ཡི།།གྲོང་ཁྱེར་སྒོ་འགེགས་ལགས་པར་མཁྱེན་པར་བགྱི།།ཐར་པ་བདག་ལ་རག་ལས་འདི་ལ་ནི།།གཞན་གྱིས་གྲོགས་བགྱི་ཅི་ཡང་མ་མཆིས་པས།།ཐོས་དང་ཚུལ་ཁྲིམས་བསམ་གཏན་ལྡན་པ་ཡིས།།བདེན་པ་རྣམ་པ་བཞི་ལ་འབད་པར་མཛོད།།ལྷག་པའི་ཚུལ་ཁྲིམས་ལྷག་པའི་ཤེས་རབ་དང་།།ལྷག་པའི་སེམས་ལ་རྟག་ཏུ་བསླབ་པར་བགྱི།།བསླབ་པ་བརྒྱ་རྩ་ལྔ་བཅུ་ལྷག་གཅིག་ཀྱང་།།གསུམ་པོ་འདི་ནང་ཡང་དག་འདུ་བར་འགྱུར།།དབང་ཕྱུང་ལུས་གཏོགས་དྲན་པ་བདེ་གཤེགས་ཀྱིས།།འགྲོད་པ་གཅིག་པའི་ལམ་དུ་ཉེ་བར་བསྟན།།ད་ནི་བསྒོགས་ནས་ངོན་པར་བསྲུང་བགྱི་སྟེ།།དྲན་པ་ཉམས་པས་ཆོས་ཀུན་འཇིག་པར་འགྱུར།།ཚེ་ནི་གནོད་མང་རླུང་གིས་བཏབ་པ་ཡི།།ཆུ་ཡི་ཆུ་བུར་བས་ཀྱང་མི་རྟག་ན།།དབུགས་རྔུབ་དབུགས་འབྱུང་གཉིད་ཀྱིས་ལོག་པ་ལས།།སད་ཁོམ་གང་ལགས་དེ་ནི་ངོ་འཚར་ཆེ།།ལུས་མཐའ་ཐལ་བ་མཐར་སྐམ་མཐར་འདྲུལ་ཞིང་།།ཐ་མར་མི་གཙང་སྙིང་པོ་མ་མཆིས་པར།།རྣམ་པར་འཇིག་དེངས་མྱགས་པར་འགྱུར་བ་སྟེ།།སོ་སོར་འགྱེས་ཆོས་ཅན་དུ་མཁྱེན་པར་མཛོད།།ས་དང་ལྷུན་པོ་རྒྱ་མཚོ་ཉི་མ་བདུན།།འབར་བས་བསྲེགས་པའི་ལུས་ཅན་འདི་དག་ཀྱང་།།ཐལ་བ་ཡང་ནི་ལུས་པར་མི་འགྱུར་ན།།ཤིན་ཏུ་ཉམས་ཆུང་མི་ལྟ་སྤོས་ཅི་འཚལ།།དེ་ལྟར་འདི་ཀུན་མི་རྟག་བདག་མེད་དེ།།སྐྱབས་མེད་མགོན་མེད་གནས་མེད་དེ་སླད་དུ།།འཁོར་བ་ཆུ་ཤིང་སྙིང་པོ་མེད་པ་ལ།།མི་མཆོག་ཁྱོད་ཀྱིས་ཐུགས་ནི་བྱུང་བར་མཛོད།།རྒྱ་མཚོ་གཅིག་གནས་གཉའ་ཤིང་བུ་ག་དང་།།རུས་སྦལ་ཕྲད་པ་བས་ཀྱང་དུད་འགྲོ་ལས།།མི་ཉིད་ཆེས་ཐོབ་དཀའ་བས་མི་དབང་གིས།།དམ་ཆོས་སྤྱད་པས་དེ་འབྲས་མཆིས་པར་མཛོད།།གང་ཞིང་གསེར་སྣོད་རིན་ཆེན་སྤྲས་པ་ཡིས།།ངན་སྐྱུགས་འཕྱག་པར་བགྱིད་པ་དེ་བས་ནི།།གང་ཞིག་མི་རུ་སྐྱེས་ནས་སྡིག་པ་དག །བགྱིད་པ་དེ་ནི་ཆེས་རབ་བླུན་པ་ལགས།།མཐུན་པར་གྱུར་པའི་ཡུལ་ན་གནས་པ་དང་།།སྐྱེས་བུ་དམ་པ་ལ་ནི་བརྟེན་པ་དང་།།བདག་ཉིད་ལེགས་སྨོན་སྔོན་ཡང་བསོད་ནམས་བགྱིས།།འཁོར་ལོ་ཆེན་པོ་བཞི་ནི་ཁྱོད་ལ་མངའ།།དགེ་བའི་བཤེས་གཉེན་བསྟེན་པ་ཚངས་པར་སྤྱོད།།ཡོངས་སུ་རྫོགས་པར་ཐུབ་པས་གསུངས་དེའི་ཕྱིར།།སྐྱེས་བུ་དམ་པ་བརྟེན་བགྱི་རྒྱལ་བ་ལ།བརྟེན་ནས་རབ་ཏུ་མང་པོས་ཞི་བ་ཐོབ།།ལོག་པར་ལྟ་བ་འཛིན་དང་དུད་འགྲོ་ཉིད།།ཡི་དྭགས་ཉིད་དང་དམྱལ་བར་སྐྱེ་བ་དང་།།རྒྱལ་བའི་བཀའ་མེད་པ་དང་མཐའ་འཁོབ་ཏུ།།ཀླ་ཀློར་སྐྱེ་དང་གླེན་ཞིང་ལྐུགས་པ་ཉིད།།ཚེ་རིང་ལྷ་དང་གང་ཡང་རུང་བར་ནི།།སྐྱེ་བ་ཞེས་བགྱི་མི་ཁོམ་སྐྱོན་བརྒྱད་པོ།།དེ་དག་དང་བྲལ་ཁོབ་པ་རྙེད་ནས་ནི།།སྐྱེ་བ་བཟློག་པའི་སླད་དུ་འབད་པར་མཛོད།།དེས་པ་འདོད་པས་ཕོངས་དང་འཆི་བ་དང་།།ན་དང་རྒ་སོགས་སྡུག་བསྔལ་དུ་མ་ཡི།།འབྱུང་གནས་འཁོར་བ་ལ་ནི་སྐྱོ་མཛད་ཅིང་།།འདི་ཡི་ཉེས་པ་ཤེས་ཀྱང་གསན་པར་མཛོད།།ཕ་ནི་བུ་ཉིད་མ་ནི་ཆུང་མ་ཉིད།།སྐྱེ་བོ་དགྲར་གྱུར་པ་དག་བཤེས་ཉིད་དང་།།བཟློག་པ་ཉིད་དུ་མཆི་བས་དེ་སླད་དུ།། འཁོར་བ་དག་ན་ངེས་པ་འགའ་མ་མཆིས།།རེ་རེས་རྒྱ་མཚོ་བཞི་བས་ལྷག་པ་ཡི།།འོ་མ་འཐུངས་ཏེ་ད་དུང་སོ་སོ་ཡི།།སྐྱེ་བོའི་རྗེས་སུ་འབྲང་བའི་འཁོར་བ་བས།།དེ་བས་ཆེས་མང་ཉིད་ཅིག་བཏུང་འཚལ་ལོ།།རེ་རེས་བདག་ཉིད་རུས་པའི་ཕུང་པོ་ནི།།ལྷུན་པོ་མཉམ་པ་སྙེད་ཅིག་འདས་གྱུར་ཏེ།།མ་ཡི་ཐུག་མཐའ་རྒྱ་ཤུག་ཚིག་གུ་ཙམ།།རིལ་བུར་བགྲངས་ཀྱང་ས་ཡིས་ལང་མི་འགྱུར།།བརྒྱ་བྱིན་འཇིག་རྟེན་མཆོད་འོས་གྱུར་ནས་ནི།།ལས་ཀྱི་དབང་གིས་ཕྱིར་ཡངས་ས་སྟེང་ལྷུང་།།འཁོར་ལོས་སྒྱུར་བ་ཉིད་དུ་གྱུར་ནས་ཀྱང་།།འཁོར་བ་དག་ཏུ་ཡང་བྲན་ཉིད་དུ་འགྱུར།།མཐོ་རིས་བུ་མོའི་ནུ་མ་རྒྱས་པ་ལ།།རིག་པས་བདེ་བ་ཡུན་རིང་མྱོང་ནས་སླར།།དམྱལ་བར་འཐག་གཅོད་དབང་བའི་འཕྲུལ་འཁོར་གྱི།།རིག་པ་ཤིན་ཏུ་མི་བཟད་བསྟེན་འཚལ་ལོ།།རྐང་པའི་རེག་པས་ནེམས་པར་བདེ་བཟོད་པ།།ལྷུན་པོའི་སྤོ་ལ་ཡུན་རིང་གནས་ནས་ནི།།སླར་ཡང་མེ་མུར་རོ་མྱུགས་རྒྱུ་བ་ཡི།།སྡུག་བསྔལ་མི་བཟོད་ཕོག་སྙམ་བགྱི་འཚལ་ལོ།།མཐོ་རིས་བུ་མོས་འབྲོངས་ཤིང་དགའ་བ་དང་།།རྣམ་པར་མཛེས་ཚལ་སོན་པས་རྩེས་ནས་སླར།།འདབ་མ་རལ་གྲི་འདྲ་ཚལ་གནས་རྣམས་ཀྱིས།།རྐང་ལག་རྣ་བ་སྣ་གཅོང་ཐོབ་པར་འགྱུར།།དལ་གྱིས་འབབ་པ་ལྷ་ཡི་བུ་མོ་ནི།།གདོང་མཛེས་གསེར་གྱི་པད་མ་ལྡེན་ཞུགས་ནས།།སླར་ཡང་དམྱལ་བའི་ཆུ་བོ་རབ་མེད་པ།།ཚྭ་རྒོས་བཟོད་གླགས་་ཆུ་ཚན་འཇུག་འཚལ་ལོ།།ལྷ་ཡུལ་འདོད་བདེ་ཤིན་ཏུ་ཆེན་པོ་དང་།།ཚངས་ཉིད་ཆགས་བྲལ་བདེ་བ་ཐོབ་ནས་སླར།།མནར་མེད་མེ་ཡི་བུད་ཤིང་གྱུར་པ་ཡིས།།སྡུག་བསྔལ་རྒྱུན་མི་འཆད་པར་བསྟེན་འཚལ་ལོ།།ཉི་མ་ཟླ་བ་ཉིད་ཐོབ་རང་ལུང་ཀྱི།།འོད་ཀྱིས་འཇིག་རྟེན་མཐའ་དག་སྣང་བྱས་ཏེ།།ལྷར་ཡང་མུན་ནག་སྨག་ཏུ་ཕྟིན་གྱུར་ནས།།རང་གི་ལག་པ་བརྐྱངས་པའང་མི་མཐོང་འགྱུར།།དེ་ལྟར་ནོངས་པར་འགྱུར་འཚལ་བསོད་ནམས་ནི།།རྣམ་གསུམ་མར་མེའི་སྣང་བ་རབ་བཞེས་ཤིས།།གཅིག་བུ་ཟླ་བ་ཉི་མས་མི་རྫི་བའི།།མུན་ནག་མཐའ་ཡས་ནང་དུ་འཇིག་འཚལ་ལོ།།སེམས་ཅན་ཉེས་པར་སྤྱད་པ་སྤྱོད་རྣམས་ལ།།ཡང་གསོས་ཐིག་ནག་རབ་ཏུ་ཚ་བ་དང་།།བསྡུས་འཇོམས་ངུ་འབོད་མནར་མེད་ལ་སོགས་པའི།།དམྱལ་བ་རྣམས་སུ་རྟག་ཏུ་སྡུག་བསྔལ་འགྱུར།།ཁ་ཅིག་ཏིལ་བཞིན་འཚིར་ཏེ་དེ་བཞིན་གཞན།།ཕྱེ་མ་ཞིབ་མོ་བཞིན་དུ་ཕྱེ་མར་རློག །ཁ་ཅིག་སོག་ལེས་འདྲད་དེ་དེ་བཞིན་གཞན།།སྟ་རེ་མི་བཟད་སོ་རྣོན་རྣམས་ཀྱིས་གཤེག །དེ་བཞིན་གཞན་དག་ཁྲོ་ཆུ་བཞུས་པ་ཡི།།ཁུ་བ་འབར་བ་འཁྲིགས་པ་ལྡུད་པར་འགྱིད།།ཁ་ཅིག་ལྕགས་ཀྱི་གསལ་ཤིང་རབ་འབར་བ།།ཚེར་མ་ཅན་ལ་ཀུན་ཏུ་རྒྱུད་པར་བགྱིད།།ཁ་ཅིག་ལྕགས་ཀྱི་མཆེ་བ་ལྡན་པའི་ཁྱི།།གཏུམ་པོས་དབད་ཅིང་ལག་པ་གནམ་དུ་སྒྲེང་།།དབང་མེད་གཞན་དག་ལྕགས་མཆུ་རྣོན་པོ་དང་།།སེར་མོ་མི་བཟད་ལྡན་པའི་ཁྭ་རྣམས་འཐོབ།།ཁ་ཅིག་སྲིན་བུ་སྦུར་བ་སྣ་ཚོགས་དང་།།ཤ་སྦྲང་སྦྲང་བུ་མཆུ་རིངས་ཁྲི་ཕྲག་དག །རེག་ན་མི་བཟད་རྨ་སྲོལ་ཆེར་འབྱིན་པས།།ཟ་བར་བགྱིད་ཅིང་འགྲེ་ལྡོག་སྨྲེ་སྔགས་འདོན།།ཁ་ཅིག་འདག་མ་འབར་བའི་ཚོགས་སུ་ནི།།རྒྱུན་མི་འཆད་པར་རབ་སྲེག་ཁ་ཡང་བགྲད།།ཁ་ཅིག་ལྕགས་ལས་བྱས་པའི་ཟངས་ཆེན་དུ།།སྤྱིའུ་ཚུགས་འབྲས་ཀྱིས་ཆུན་ཕྲད་བཞིན་དུ་འཚེད།།སྡིག་ཅན་དབུགས་འབྱུང་འགག་པ་ཙམ་ཞིག་གི  །དུས་ཀྱི་བར་དུ་ཆོད་རྣམས་དམྱལ་བ་ཡི།།སྡུག་བསྔལ་གཞལ་ཡས་ཐོས་ནས་རྣམ་སྟོང་དུ།།མི་འཇིགས་གང་ལ་རྡོ་རྗེའི་རང་བཞིན་ནོ།།དམྱལ་བ་བྲིས་པ་མཐོང་དང་ཐོས་པ་དང་།།དྲན་དང་བཀླགས་དང་གཟུགས་སུ་བགྱིས་རྣམས་ཀྱང་།།འཇིགས་པ་སྐྱིད་པར་འགྱུར་ན་མི་བཟད་པའི།།རྣམ་སྨིན་ཉམས་སུ་མྱོང་ན་སྨོས་ཅི་འཚལ།།བདེ་བ་ཀུན་གྱི་ནང་ན་སྲིད་ཟད་པ།།བདེ་བའི་བདག་པོ་བགྱིད་པ་ཇི་ལྟ་བར།།དེ་བཞིན་སྡུག་བསྔལ་ཀུན་གྱི་ནང་ན་ནི།།མནར་མེད་དམྱལ་བའི་སྡུག་བསྔལ་རབ་མི་བཟད།།འདི་ན་ཉིད་གཅིག་མདུང་ཐུང་སུམ་བརྒྱ་ཡིས།།རབ་ཏུ་དྲག་བཏང་སྡུག་བསྔལ་གང་ལགས་པ།།དེས་ནི་དམྱལ་བའི་སྡུག་བསྔལ་ཆུང་ངུ་ལ།།འོལ་ཡང་མི་འགྲོ་ཆར་ཡང་མི་ཕོད་དོ།།དེ་ལྟར་སྡུག་བསྔལ་ཤིན་ཏུ་མི་བཟད་ལོ།།བྱ་བ་ཕྲག་བརྒྱར་ཉམས་སུ་མྱོང་ཡང་ནི།།ཇི་སྲིད་མི་དགེ་དེ་ཟད་མ་གྱུར་པ།།དེ་སྲིད་སྲོད་དང་བྲལ་བར་མི་འགྱུར་རོ།།མི་དགེའི་འབྲས་འདི་རྣམས་ཀྱི་ས་བོན་ནི།།ལུས་ངག་ཡིད་ཀྱི་ཉེས་སྤྱད་ཁྱོད་ཀྱིས་ནི།།ཅི་ནས་དེ་རྡུལ་ཙམ་ཡང་མ་མཆིས་པ།།དེ་ལྟར་ཉིད་ཀྱི་རྩལ་གྱིས་འབད་པར་མཛོད།།དུད་འགྲོའི་སྐྱེ་གནས་ན་ཡང་གསོད་པ་དང་།།བཅིང་དང་བརྡེག་སོགས་སྡུག་བསྔལ་སྣམ་ཚོགས་པ།།ཞི་འགྱུར་དགེ་བ་སྤངས་པ་རྣམས་ལ་ནི།།གཅིག་ལ་གཅིག་ཟ་ཤིན་ཏུ་མི་བཟད་པ།།ཁ་ཅིག་མུ་ཏིག་བལ་དང་རུས་པ་དང་།།ཤ་དང་ལྤགས་པའི་ཆེད་དུ་གསོད་པར་འགྱུར།།དབང་མེད་གཞན་དག་རྡོག་པ་ལག་པ་དང་།།ལྕགས་དང་ལྕགས་ཀྱུ་བཏབ་པས་བཏབ་སྟེ་བཀོལ།།ཡི་དྭགས་ན་ཡང་འདོད་པས་འཕོངས་པ་ཡིས།།བསྐྱེད་པའི་སྡུག་བསྔལ་རྒྱུན་ཆགས་མི་འཆོས་པ།།བཀྲེས་སྐོམ་གྲང་དྲོ་ངལ་དང་འཇིགས་པ་ཡིས།།བསྐྱེད་པ་ཤིན་ཏུ་མི་བཟད་བསྟན་བཙལ་ལོ།།ཁ་ཅིག་ཁ་ནི་ཁབ་ཀྱི་མིག་ཙམ་ལ།།ལྟོ་བ་རི་ཡི་གཏོས་ཙམ་བཀྲེས་པས་ཉེད།།མི་གཙང་གྱི་ནར་བོར་བ་ཅུང་ཟད་ཀྱང་།།འཚལ་བའི་མཐུ་དང་ལྡན་པ་མ་ལགས་སོ།།ཁ་ཅིག་ལྤགས་རུས་ལུས་ཤིང་གཅེར་བུ་སྟེ།།ཏ་ལ་ཡང་ཏོག་སྐབས་པ་ལྟ་བུ་ལགས།།ཁ་ཅིག་མཚན་ཞིང་ཁ་ནས་འབར་བ་སྟེ།།ཟས་སུ་འབར་བའི་ཁར་འབབ་བྱེ་མ་འཚལ།།དམངས་རིགས་འགས་ནི་རྣག་དང་ཕྱི་ས་དང་།།ཁྲག་སོགས་མི་གཙང་བ་ཡང་མི་རྙེད་དོ།།ཕན་ཚུན་གདོང་དུ་འཚོག་ཅིག་མགྲིན་པ་ནས།།ལྦུ་བ་བྱུང་བ་སྨིན་པའི་རྣག་འཚལ་ལོ།།ཡི་དྭགས་རྣམས་ལ་སོས་ཀའི་དུས་སུ་ནི།།ཟླ་བ་ཚ་ལ་དགུན་ནི་ཉི་མ་གྲང་།།ལྗོན་ཤིང་འབྲས་བུ་མེད་འགྱུར་འདི་དག་གིས།།བལྟས་པ་ཙམ་གྱིས་ཀླུང་ཡང་སྐམ་པར་འགྱུར།།བར་ཆད་མེད་པར་སྡུག་བསྔལ་བསྟེན་གྱུར་པ།།ཉེས་པར་སྤྱད་པའི་ལས་ཀྱི་ཞགས་པ་ནི།།སྲ་བས་བཅིངས་པའི་ལུས་ཅན་ཁ་ཅིག་ལོ།། ལྔ་སྟོང་དག་དང་ཁྲིར་ཡང་འཆིར་མི་འགྱུར།།དེ་ལྟར་ཡི་དྭགས་རྣམས་ཀྱིས་སྣ་ཚོགས་པའི།།སྡུག་བསྔལ་རོ་གཅིག་ཐོབ་པ་གང་ལགས་པ།།དེ་ཡི་རྒྱུ་ནི་སྐྱེ་བོ་འཇུངས་དགའ་བ།།སེར་སྣ་འཕགས་མིན་ལགས་པར་སངས་རྒྱས་གསུངས།།མཐོ་རིས་ན་ཡང་བདེ་ཆེན་དེ་དག་གི །འཆི་འཕོའི་སྡུག་བསྔལ་ཉིད་ནི་དེ་བས་ཆེ།།དེ་ལྟར་བསམས་ནས་ཡ་རབས་རྣམས་ཀྱིས་ནི།།ཟད་འགྱུར་མཐོ་རིས་སླད་དུ་སྲེད་མི་བགྱི།།ལུས་ཀྱི་ཁ་དོག་མི་སྡུག་འགྱུར་བ་དང་།།སྟན་ལ་མི་དགའ་མེ་ཏོག་ཕྲེང་རྙིངས་དང་།།གོས་ལ་དྲི་མ་ཆགས་དང་ལུས་ལ་ནི།།སྔོན་ཆད་མེད་པའི་རྡུལ་འབྱུར་ཞེས་བགྱི་བ།།མཐོ་རིས་འཆི་འཕོ་སྒྲོན་བགྱིད་སྔ་ལྟས་ལྔ།།ལྷ་ཡུལ་གནས་པའི་ལྷ་རྣམས་ལ་འབྱུང་སྟེ།།ས་སྟེང་མི་རྣམས་འཆི་བར་འགྱུར་བ་དང་།།སྦྲོན་པར་བྱེད་པའི་འཆི་ལྟས་རྣམས་དང་འདྲ།།ལྷ་ཡི་འཇིག་རྟེན་དག་ནས་འཕོས་པ་ལ།།གལ་ཏེ་དགེ་བའི་ལྷག་མ་འགའ་མེད་ན།།དེ་ནས་དབང་མེད་དུད་འགྲོ་ཡི་དྭགས་དང་།།དམྱལ་པར་གནས་པ་གང་ཡང་རུང་བར་འགྱུར།།ལྷ་མིན་དག་ནའང་རང་བཞིན་གྱིས་ལྷ་ཡི།།དཔལ་ལ་སྡང་ཕྱིར་ཡིད་ཀྱི་སྡུ་བསྔལ་ཆེ།།དེ་དག་བློ་དང་ལྡན་ནའང་འགྲོ་བ་ཡི།།སྒྲིབ་པས་བདེན་པ་མཐོང་བ་མ་མཆིས་སོ།།འཁོར་བ་དེ་འདྲ་ལགས་པས་ལྷ་མི་དང་།།དམྱལ་བ་དུད་འགྲོ་ཡི་དྭགས་རྣམས་དག་ཏུ།། སྐྱེ་བ་བཟང་པོ་མ་ལགས་སྐྱེ་བ་ནི།།གནོད་པ་དུ་མའི་སྣོད་གྱུར་ལགས་མཁྱེན་མཛོད།།མགོའམ་གོས་ལ་གློ་བུར་མེ་ཤོར་ན།།དེ་དག་བཟློག་ཕྱིར་བགྱི་བ་བཏང་ནས་ཀྱང་།།ཡང་སྲིད་མེད་པར་བགྱི་སླད་འབད་འཚལ་ཏེ།།དེ་བས་ཆེས་མཆོག་དགོས་པ་གཞན་མ་མཆིས།།ཚུལ་ཁྲིམས་དག་དང་ཤེས་རབ་བསམ་གཏན་གྱིས།།མྱ་ངན་འདས་ཞི་དུལ་བ་དྲི་མེད་པའི།།གོ་འཕང་མི་རྒ་མི་འཆི་ཟད་མི་འཚལ།།ས་ཆུ་མེ་རླུང་ཉི་ཟླ་བྲལ་ཐོབ་མཛོད།།དྲན་དང་ཆོས་རབ་འབྱེད་དང་བརྩོན་འགྲུས་དང་།།དགའ་དང་ཤིས་ཏུ་སྦྱངས་དང་ཏིང་འཛིན་དང་།།བཏང་སྙོམས་འདི་བདུན་བྱང་ཆུབ་ཡན་ལག་སྟེ།།མྱ་ངན་འདས་ཐོབ་བགྱིད་པའི་དགེ་ཚོགས་ལགས།།ཤེས་རབ་མེད་ལ་བསམ་གཏན་ཡོད་མིན་ཏེ།།བསམ་གཏན་མེད་པར་ཡང་ནི་ཤེས་རབ་མེད།།གང་ལ་དེ་གཉིས་ཡོད་པའི་སྲིད་པ་ཡི།།རྒྱ་མཚོ་གནག་རྗེས་ལྟ་བུར་འཚལ་བར་བགྱི།།ལུང་མ་བསྟན་པ་བཅུ་བཞི་འཇིག་རྟེན་ན།།ཉི་མའི་གཉེན་གྱིས་རབ་གསུངས་གང་ལགས་པ།།དེ་དག་རྣམས་ལ་བསམ་པར་མི་བགྱི་སྟེ།།དེ་ཡིས་བློ་འདི་ཞི་བར་བགྱིད་མ་ལགས།།མ་རིག་པ་ལས་ལས་ཏེ་དེ་ལས་ནི།།རྣམ་ཤེས་དེ་ལས་མིང་དང་གཟུགས་རབ་འབྱུང་།།དེ་ལས་སྐྱེ་མཆེད་དྲུག་སྟེ་དེ་ལས་ནི།།རིག་པ་ཀུན་ཏུ་འབྱུང་བར་ཐུབ་པས་གསུངས།།རེག་པ་ལས་ནི་ཚོར་བ་ཀུན་འབྱུང་སྟེ།།ཚོར་བའི་གཞི་ལས་སྲིད་པ་འབྱུང་བར་འགྱུར།།སྲིད་ལས་ལེན་པ་སྐྱེ་བར་འགྱུར་བ་སྟེ།།དེ་ལས་སྲིད་པ་སྲིད་ལས་སྐྱེ་བ་ལགས།།སྐྱེ་བ་ཡོད་ན་མྱ་ངན་ན་རྒ་དང་།།འདོད་པས་ཕོངས་དང་འཆི་དང་འཇིགས་སོགས་ཀྱི།།སྡུག་བསྔལ་ཕུང་པོ་ཤིན་ཏུ་ཆེ་འབྱུང་སྟེ།།སྐྱེ་བ་འགགས་པས་འདི་ཀུན་འགག་པར་འགྱུར།།རྟེན་ཅིང་འབྲེལ་བར་འབྱུང་འདི་རྒྱལ་བ་ཡི།།གསུང་གི་མཛོད་ཀྱི་གཅེས་པ་ཟབ་མོ་སྟེ།།གང་གིས་འདི་ནི་ཡང་དག་མཐོང་བ་དེས།།སངས་རྒྱས་དེ་ཉིད་རིག་པ་རྣམ་མཆོག་མཐོང་།།ཡང་དག་ལྟ་དང་འཚོ་དང་རྩོལ་བ་དང་།།དྲན་དང་ཏིང་འཚིན་དག་དང་ལས་མཐའ་དང་།།ཡང་དག་རྟོག་ཉིད་ལམ་གྱི་ཡན་ལག་བརྒྱད།།འདི་ནི་ཞི་བར་བགྱི་སླད་བསྒོམ་པར་བགྱི།།སྐྱེ་འདི་སྡུག་བསྔལ་སྲེད་པ་ཞེས་བགྱི་བ།།འདི་ནི་དེ་ཡི་ཀུན་འབྱུང་རྒྱ་ཆེན་ཏེ།།འདི་འགོག་པ་ནི་ཐར་པ་ལགས་ཏེ་དེ།།འཐོབ་བགྱིད་འཕགས་ལམ་ཡན་ལག་དེ་བརྒྱད་ལགས།།དེ་ལྟར་ལགས་པས་འཕགས་པའི་བདེན་པ་བཞི།།མཐོང་བར་བགྱི་སླད་རྟག་ཏུ་བརྩོན་པར་བགྱི།།པང་ན་དཔལ་གནས་ཁྱིམ་པ་རྣམས་ཀྱིས་ཀྱང་།།ཤེས་པས་ཉོན་མོངས་ཆུ་བོ་ལས་བརྒལ་བགྱི།།གང་དག་ཆོས་མངོན་བགྱིས་པ་དེ་དག་ཀྱང་།།གནམ་ལས་བབས་པ་མ་ལགས་ལོ་ཏོག་བཞིན།།ས་རུམ་ནས་འཐོན་མ་ལགས་དེ་དག་སྔོན།།ཉོན་མོངས་རག་ལས་སོ་སོའི་སྐྱེ་བོར་བས།།བསྙེངས་དང་བྲལ་བ་མང་དུ་གསོལ་ཅི་འཚལ།།ཕན་པའི་གདངས་ངག་དོན་པོ་འདི་ལགས་ཏེ།།ཁྱོད་ཀྱིས་ཐུགས་ཐུལ་མཛོད་ཅིག་བཅོམ་ལྡན་གྱིས།།སེམས་ནི་ཆོས་ཀྱི་རྩ་བ་ལགས་པར་གསུངས།།ཁྱོད་ལ་དེ་སྐད་གདམས་པ་གང་ལགས་དེ།།བས་པར་དགེ་སློང་གིས་ཀྱང་བགྱི་བར་དཀའ།།འདི་ལས་གང་ཞིག་སྤྱོད་པའི་ངོ་བོ་དེའི།།ཡོན་ཏན་བསྟན་པས་སྐུ་ཚེ་དོན་ཡོད་མཛོད།།ཀུན་གྱི་དགེ་བ་ཀུན་ལ་ཡིད་རང་ཞིང་།།ཉིད་ཀྱིས་ལེགས་པར་སྤྱོད་པ་རྣམ་གསུམ་ཡང་།།སངས་རྒྱས་ཉིད་ཐོབ་བགྱི་སླད་ཡོངས་བསྔོས་ནས།།དེ་ནས་དགེ་བའི་ཕུང་པོ་འདི་ཡིས་ཁྱོད།།སྐྱེ་བ་དཔག་ཏུ་མེད་པར་ལྷ་མི་ཡི།།འཇིག་རྟེན་ཀུན་གྱི་དཔལ་འབྱོར་དབང་མཛད་ནས།།འཕགས་པ་སྤྱན་རས་གཟིགས་དབང་སྤྱོད་པ་ཡིས།།སྐྱེ་བོ་ཉམ་ཐག་མང་པོ་རྗེས་དཟུང་སྟེ།།འཁྲུངས་ནས་ན་རྒ་འདོད་ཆགས་ཞེ་སྡང་རྣམས།།བསལ་ཏེ་སངས་རྒྱས་ཞིང་དུ་བཅོང་ལྡན་འདས།།འོད་དཔག་མེད་དང་འདྲ་བར་འཇིག་རྟེན་གྱི།།མགོན་པོ་སྐུ་ཚེ་དཔག་ཏུ་མེད་པར་མཛོད།།ཤེས་རབ་ཚུལ་ཁྲིམས་གཏོང་འབྱུང་གྲགས་ཆེན་དྲི་མ་མེད།།ལྷ་ཡུལ་ནམ་མཁའ་དང་ནི་ས་སྟེང་རྒྱས་མཛད་ནས།།ས་ལ་མི་དང་མཐོ་རིས་ལྷ་ནི་ན་ཆུང་མཆོག །བདེ་དགས་དགའ་བ་ངེས་པར་རབ་ཏུ་ཞི་མཛད་དེ།།ཉོན་མོངས་ཉམ་ཐག་སེམས་ཅན་ཚོགས་ཀྱི་འཇིགས་སྐྱེ་དང་།།འཆི་བ་ཞི་མཛད་རྒྱལ་བའི་དབང་པོ་ཉིད་བརྙེས་ནས།།འཇིག་རྟེན་ལས་འདས་མིང་ཙམ་ཞི་ལ་མི་གཡོ་བ།།མི་བསྙེངས་ནོངས་མི་མངའ་བའི་གོ་འཕང་བརྙེས་པར་མཛོད།།དགེ་བཤེས་ཀླུ་ཡིས་གདངས་པའི་ཆར་རྒྱུན་འདིས།།མི་རྗེ་རྒྱལ་པོ་ཐུགས་ཀྱི་མཚོ་རྒྱས་ནས།།རྒྱལ་སྲིད་འཁོར་གྱི་ཉ་སྦལ་མང་པོ་དག །སྐྱབས་མཛད་རེ་བ་ཡིད་བཞིན་བསྐོང་བར་སྨོན།།      བཤེས་པའི་སྤྲིངས་ཡིག་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛའ་བོ་བདེ་སྤྱོད་བཟང་པོ་ལ་བསྐུར་བ་རྫོགས་སོ། །རྒྱ་གར་གྱི་མཁན་པོ་སརྦཛྙྰདེ་བ་དང་ཞུ་ཆེན་གྱི་ལོ་ཙྭ་བ་བན་དེ་དཔལ་བརྩེགས་ཀྱིས་པསྒྱུར་ཅིང་ཞུས་ཏེ་གཏན་ལ་ཕབ་པའོ།དགེའོ།།
 

支持此新闻
返回首页

དཔྱད་བརྗོད་སྤེལ་བ། ད་སྔ་སྡོམ་པས་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།