བོད་ཀྱི་གཅེས་ཕྲུག

རྩོམ་པ་པོ། ལོ་མ། སྤེལ་དུས། 2012-09-24 18:07:36 རྡེབ་ཚད། ཡོང་ཁུངས། ངེད་དྲ་བ།

བོད་ཀྱི་གཅེས་ཕྲུག

རྩོམ་པ་པོ། ལྷ་བྱམས་རྒྱལ།

དཔེ་སྐྲུན་ཁང་། མི་རིགས་དཔེ་སྐྲུན་ཁང་།

《བོད་ཀྱི་གཅེས་ཕྲུག》ནི་ལྷ་བྱམས་རྒྱལ་གྱི་སྒྲུང་རིང་ཐོག་མ་ཡིན་ཏེ། སྒྲུང་རིང་འདི་རུ་མི་སྣ་གཙོ་བོ“ང”ཡི་ཆུང་བྱིས་པའི་དུས་ཀྱི་འཚོ་བ་དང་། དེའི་རྗེས་སུ“ང”ཡིས་གྲོང་ཁྱེར་ནས་འཚོ་བ་རོལ་བའི་རྣམ་པ་གཉིས་སྟོད་སྨད་ཅེས་ཆ་གཉིས་སུ་བགོས་ཏེ་གཏམ་རྒྱུད་ཡོངས་ཀྱི་སྤྲོས་བརྗོད་གྲུབ་ཡོད་ཅིང་། བརྗོད་དོན་གཙོ་བོ་ཡང་རྩོམ་ནང་གི་མི་སྣ་གཙོ་བོ་གཅེས་ཕྲུག་སྟེ། “ང”དང་། “ང”ཡི་ཆུང་གྲོགས་གསུམ་སྟེ། གསལ་སྒྲོན། ཐར་འཕེལ། ཉི་མ་དོན་གྲུབ་བཅས་མར་ནང་གྲོང་གི་བྱིས་པ་བཞི་གཙོ་བོར་བྱས་ཏེ་བརྗོད་པའི་གཏམ་རྒྱུད་ཅིག་ཡིན་ལ། སྟོད་ཆ་རུ་དུས་རབས་ཉི་ཤུ་བའི་སྨད་ཀྱི་རི་གྲོང་ག་གེ་མོ་ཞིག་གི་འཚོ་བའི་རྣམ་པ་ཞིབ་ཏུ་བརྗོད་འདུག་ཅིང་། བྱིས་པ་ཞིག་གི་མཐོང་སྣེ་སྤྱད་དེ། སྐབས་དེའི་སྤྱི་ཚོགས་ཀྱི་རྣམ་པ་དག་ལྷོད་བག་དང་བཅས་བརྗོད་པར་བྱས་འདུག སྨད་ཆ་རུ་ལོ་ངོ་ཉི་ཤུ་ལྷག་གི་རྗེས་ནས་བྱུང་བའི“ང”དང“ང”ཡི་གྲོགས་པོ་དག་གི་འགྱུར་བ་དང་བསྡོངས་ཏེ། དེ་དག་གི་འཚོ་བའི་རྣམ་པ་དང་སྤྱི་ཚོགས་ཀྱི་ཁོར་ཡུག་དག་ཞིབ་ཏུ་བཀྲམ་འདུག་པ་ནི། རྩོམ་པ་པོས་བཤད་པ་ལྟར་ན། “སྒྲུང་གཏམ་གྱི་སྟོད་ཆ་ལས་མངོན་པའི་ལྷུག་བརྗོད་ཀྱི་ལྷོད་ཉམས་དང་ཕྲུ་གུའི་གནས་སྐབས་ཀྱི་སེམས་ཁམས་དེ་དག་ནི་ང་ཚོས་འབོར་བཞིན་པའི་རིན་པོ་ཆེ་ཡིན་ལ། སྨད་ཆ་ལས་མངོན་པའི་བྲེལ་ཉམས་དེ་དང་དར་མའི་གྱུར་པའི་ཕྲུ་གུ་དེ་དག་གི་རྨོངས་འཐོམ་དང་གཏོལ་མེད་ཀྱི་ངང་ཚུལ་ནི་ང་ཚོའི་ཁ་གཏད་ན་ཚུར་ཡོང་བཞིན་པའི་དུས་རབས་ཀྱི་ནད་ཡམས་ཡིན་ངེས”ཞེས་པ་བཞིན་ནོ། །

པར་ལྡན་འོས་སྦྱོར།

ནང་དོན་གསར་ཤོས།

རྡེབ་ཚད་མང་ཤོས།

ཤཱཀྱའི་རིག་མཛོད།	མཚོ་སྔོན་པོ་དྲ་བ།	ཀྲུང་གོ་བོད་ཀྱི་དྲ་བ།	རྨ་ཡུལ་ཁྲི་ཀའི་རིག་གནས།	མཆོད་མེ་དྲ་བ།	བོད་ཀྱི་རིག་མཛོད།	སྣོད་བཅུད་སྲུང་སྐྱོབ།
དགེ་ཆོས་དྲ་བ།	ཁམས་པའི་དྲ་བ།	ཧི་མ་ལ་ཡའི་བོན།	བོད་ཡིག་མཉེན་ཆས་གླིང་།	རིག་འབྱུང་དྲ་བ།	ཀྲུང་གོའི་བོད་རིག་པ།	བོད་ཡིག་སློབ་གསོ་དྲ་བ།
བོད་ཀྱི་གློག་རྡུལ་འཕྲུལ་དེབ་ཁང་།	ན་གཞོན་གསར་བ།	བོད་ཀྱི་གསོ་རིག	གངས་ལྗོངས་ཉི་གཞོན།	གུང་ཁྲན་ཏང་གི་དྲ་བ།