དགེ་རྒན་ཆེན་མོ་ཁྲི་བསམ་གཏན།
རྩོམ་པ་པོ།  ངེད་དྲ་ཚིགས།    སྤེལ་དུས།  2020-03-24 22:18:49    རྡེབ་ཚད།     ཡོང་ཁུངས། ངེད་དྲ་ཚིགས།

       

    ཁྲི་བསམ་གཏན། 1952ལོར་ཁྲི་ཀ་རྫོང་གི་སྨད་པ་སྡེ་བ་ནས་འཁྲུངས། ལོ་གསུམ་གྱི་སྟེང་གོང་བ་གྲྭ་ཚང་ལ་ཁྱེར་ནས་ཨ་ཁུ་སྦྱིན་པ་རྒྱ་མཚོའི་དྲུང་དང་ཇོ་ཇོ་ལྷ་ཁང་ནས་ལོ་གསུམ་བསྡད།  1958ལོ་ནས་བཟུང་སྨད་པ་སློབ་ཆུང་འགྲིམས། 1966ལོ་ནས་བཟུང་མཚོ་ལྷོ་མི་རིགས་དགེ་འོས་སློབ་གྲྭར་ཞུགས། 1971ལོར་ཁྲི་ཀ་ནས་སྲིད་གཞུང་གི་ལས་ཀར་ཞུགས་ནས། ལོ་གསུམ་རིང་ཁྲི་ཀ་རྫོང་གི་ཞང་རིམ་པར་ཟབ་ཞུགས་ཀྱིས་རྒྱ་བོད་སྐད་གཉིས་ཀྱི་ཡིག་ཆ་དྲིལ་སྒྲོག་གི་འགན་འཁུར།  

    1974ལོར་ནུབ་བྱང་མི་རིགས་སློབ་གྲྭ་ཆེན་མོར་ཞུགས།  བོད་ཀྱི་བརྡ་སྤྲོད་དང་།   རྩོམ་རིག་གཞུང་ལུགས།  སྐད་བརྡ་རིག་པ།  དེང་རབས་རྒྱ་སྐད་བཅས་ཀྱི་སློབ་ཚན་གཙོ་བྱས་ཀྱི་བོད་ཡིག་གི་ཆེད་ལས་སྦྱོང་།  ད་དུང་མཁས་དབང་ཚེ་ཏན་ཞབས་དྲུང་དང་།  ཨ་ཁུ་ཆོས་དར། འཇམ་དཔལ་ཕུན་ཚོགས་སོགས་ཀྱི་དྲུང་དུ་སྙན་ངག མངོན་བརྗོད། བརྡ་རྙིང་། ལོ་རྒྱུས་སོགས་སྦྱོང་།  1976ལོར་ནུབ་བྱང་མི་རིགས་སློབ་གྲྭ་ཆེན་མོ་ནས་དགེ་རྒན་གྱི་ལས་ལ་ཞུགས།  1980ལོ་ནས་བཟུང་ནུབ་བྱང་མི་རིགས་སློབ་ཆེན་གྱི་བོད་ཡིག་སྡེ་ཁག་གི་དཔྱད་གཞི་ཁང་ལ་བདག་གཉེར་ལོ་བཞི་མཛད། བོད་ཡིག་སྡེ་ཁག་གི་ཀྲུའུ་རིན་གཞོན་པའི་འགན་ལོ་དྲུག་དང་ཀྲུའུ་རིན་དང་པོའི་འགན་ལོ་ལྔ་བཅས་བཞེས།
                

    1996ལོ་ནས་བཟུང་རབ་འབྱམས་པའི་ཞིབ་འཇུག་སློབ་མའི་མཛུབ་སྟོན་དགེ་རྒན་གྱི་འགན་བཞེས། ལོ་བཅུ་ཕྲག་གི་རིང་ལ་ཞིབ་འཇུག་སློབ་མ་སུམ་ཅུ་ལྷག་ལ་མཛུབ་སྟོན་བྱས།  མཐོ་རིམ་སློབ་གྲྭའི་དགེ་རྒན་གྱི་འགན་བཞེས་ནས་ཨ་མདོ་ཁ་སྐད་དང་།  རྨང་གཞི་བོད་ཡིག སྐད་གཉིས་ཁྲིམས་སྲོལ་གྱི་བོད་ཡིག དུས་རབས་རིམ་བྱུང་གི་རྩོམ་ཡིག རྒྱ་བོད་ཡིག་སྒྱུར། ལོ་ཙཱའི་གཞུང་ལུགས། བརྡ་ཆད་རིག་པ། འཕྲུལ་རྩིས་ཀྱི་རྩ་བའི་རིག་པ་སོགས་ཀྱི་དཔེ་ཁྲིད་མཛད།  རྩོམ་འཇུག་ཅེས་པའི་དཔེ་ཁྲིད་དངོས་གཞི་ལ་ལོ་ཉི་ཤུའི་རིང་རྒྱུན་འཁྱོངས་བྱས། ཉིས་སྟོང་ལོར་དགེ་རྒན་ཆེན་མོའི་མཚན་ཐོབ་ཅིང་།  ཀན་སུའུ་ཞིང་ཆེན་རིམ་པའི་སྤྱི་ཚོགས་ཚན་རིག་ཞིབ་འཇུག་གི་སྣེ་ཁྲིད་པའི་འགན་བཞེས།   ཀན་སུའུ་ཞིང་ཆེན་གྱི་ཡིག་སྒྱུར་ཨུ་ཡོན་ལྷན་ཁང་གི་ཨུ་ཡོན་ཀྱང་ཡིན།  ཀན་སུའུ་ཞིང་ཆེན་རིམ་པའི་ཕུལ་བྱུང་དགེ་རྒན་གྱི་བྱ་དགའ་ཐོབ་མྱོང་། 

               

ཞིབ་འཇུག་གི་དཔྱད་འབྲས་གཙོ་བོ།

བོད་ཡིག་དཔྱད་རྩོམ་གྱི་དཀར་ཆག་གཅེས་བསྡུས།   ཀྲུང་གོའི་བོད་རིག་པ་དཔེ་སྐྲུན་ཁང་།  ༡༩༩༣ལོའིཟླ་༣པར་དཔེ་སྐྲུན་བྱས།

རྩོམ་ལ་འཇུག་ཚུལ་རིག་བརྒྱའི་སྒོ་འབྱེད་ངོ་མཚར་འཕྲུལ་གྱི་ལྡེ་མིག   ཀན་སུའུ་མི་རིགས་དཔེ་སྐྲུན་ཁང་། མཚོ་སྔོན་མི་རིགས་སློབ་ཆེན་གྱི་རྣམ་སྲས་དང་མཉམ་འབྲེལ་བྱས་པ། ༡༩༩༤ལོའི་ཟླ༦པར་དཔེ་སྐྲུན་བྱས། 

རྩོམ་འཇུག་རིག་གཞོན་དགའ་ཚལ། (དག་བཅོས་མ) མི་རིགས་དཔེ་སྐྲུན་ཁང་། ༢༠༠༠ལོའི་ཟླ༢པར་དཔེ་སྐྲུན་བྱས། 

བོད་རྒྱ་རྩོམ་རིག་གཤིབ་བསྡུར་གྱི་དཔྱད་བརྗོད། མི་རིགས་དཔེ་སྐྲུན་ཁང་། ༢༠༠༠ལོའི་ཟླ༦པར་དཔེ་སྐྲུན་བྱས། 

འཕྲུལ་རྩིས་ཀྱི་རྩ་བའི་རིག་གཞུང་མདོར་བསྡུས།  བདུད་ལྷ་རྒྱལ། ལྡོང་རྒྱལ་ལོ་དང་མཉམ་འབྲེལ་བྱས་པ། མི་རིགས་དཔེ་སྐྲུན་ཁང་། ༢༠༠༡ལོའི་ཟླ༡༡པར་དཔེ་སྐྲུན་བྱས། 

 སྐད་གཉིས་སྨྲ་བའི་རིན་ཆེན་བང་མཛོད།  ཀན་སུའུ་མི་རིགས་དཔེ་སྐྲུན་ཁང་། ༢༠༠༥  ལོའི་ཟླ༥པར་དཔེ་སྐྲུན་བྱས། 

དེང་རབས་བརྡ་ཆད་རིག་པ་སྤྱི་བཤད། ཀན་སུའུ་མི་རིགས་དཔེ་སྐྲུན་ཁང་།  ༢༠༡༤ལོའི་ཟླ༥པར་དཔེ་སྐྲུན་བྱས། 

              

སློབ་མར་རྩོམ་འགྲུབ་བྱེད་ཀྱི་རྒྱུ་ཆ་རགས་ཙམ་གླེང་བ། བོད་ལྗོངས་སློབ་གསོ། ༡༩༨༧ལོའི་དེབ་གཉིས་པ།

སློབ་མར་རྩོམ་འགྲུབ་བྱེད་ཀྱི་བརྗོད་སྙིང་མདོར་གླེང་བ། བོད་ལྗོངས་སློབ་གསོ། ༡༩༨༨ལོའི་དེབ་གཉིས་པ།

བོད་ཀྱི་བསྟན་བཅོས་ལས་མཆོད་བརྗོད་ལ་རགས་ཙམ་དཔྱད་པ།  བོད་ལྗོངས་ཞིབ་འཇུག ༡༩༨༨ལོའི་དེབ་དྲུག་པ། 

གཞོན་ཟླ་དང་ཐོག་རྨི་གཉིས་ཀྱི་རྩོམ་པ་པོའི་ཁྱིམ་རྒྱུད་དང་བསམ་བློའི་འབྱུང་ཁུངས་ཀྱི་ཞིབ་བསྡུར། ནུབ་བྱང་མི་རིགས་སློབ་གྲྭ་ཆེན་མོའི་རིག་གཞུང་དུས་དེབ་བོད་ཡིག་མ།  ༡༩༩༨ལོའི་དེབ་དང་པོ།

རྒྱ་བོད་ཡིག་སྒྱུར་གྱི་ལོ་རྒྱུས་མདོར་བསྡུས། ནུབ་བྱང་མི་རིགས་སློབ་གྲྭ་ཆེན་མོའི་རིག་གཞུང་དུས་དེབ་བོད་ཡིག་མ། ༢༠༠༢ལོའི་དེབ་གཉིས་པ།
               

ནུབ་གླིང་གི་རྩོམ་རིག་སྒྲ་སྒྱུར་ཞིབ་འཇུག་གི་རྩོད་གླེང་སྐོར་བཤད་པ། ནུབ་བྱང་མི་རིགས་སློབ་གྲྭ་ཆེན་མོའི་རིག་གཞུང་དུས་དེབ་བོད་ཡིག་མ། ༢༠༠༤ལོའི་དེབ་དང་པོ།

བོད་ཡིག་ལོ་ཙཱ་ལས་མ་ཡིག་ནེ་ཙོ་དང་འགྱུར་ཡིག་རྨ་བྱ་ཞེས་པའི་དཔེ་འཇོག་ལ་དཔྱད་པ། (རྒྱ་ཡིག)མི་རིགས་ཡིག་སྒྱུར། ༢༠༠༨ལོའི་དེབ་གཉིས་པ།

མའོ་ཙེ་ཏུང་གི་གསུང་རྩོམ་བོད་འགྱུར་གཉིས་ཀྱི་བསྡུར་དཔྱད། ནུབ་བྱང་མི་རིགས་སློབ་གྲྭ་ཆེན་མོའི་རིག་གཞུང་དུས་དེབ་བོད་ཡིག་མ། ༢༠༡༥ལོའི་དེབ་དང་པོ།

རྒྱ་ཡིག་སྒྲ་སྒྱུར་གཞུང་ལུགས་ཀྱི་འགྱུར་ཡིག་སྙིང་བསྡུས། ཀན་སུའུ་མི་རིགས་དཔེ་སྐྲུན་ཁང་།  《ལོ་ཙཱ་གླིང་》 ༢༠༡༠ལོའི་དེབ་དང་པོ།

མའོ་ཡན་གྱི་སྒྲུང་གཏམ་བསྒྱུར་ནས་ཐིག་ཕྲེང་ཁ་སྤྲོད་ཀྱི་སྒྱུར་ཐབས་དང་ལག་རྩལ་ལ་དཔྱད་པ། ཀན་སུའུ་མི་རིགས་དཔེ་སྐྲུན་ཁང་། 《ལོ་ཙཱ་གླིང་》 དེབ་བཞི་བ།
                

               



 

支持此新闻
返回首页

དཔྱད་བརྗོད་སྤེལ་བ། ད་སྔ་སྡོམ་པས་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།