སྤྱི་ལོ2018ལོའི་ཟླ6ཚེས16ནས་ཉིན་གསུམ་ལ། བོད་ལྗོངས་ལྷ་ས་དང་མངའ་རིས་མཉམ་གཉེར་གྱི་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུ་སྐབས་དང་པོ་དེ་ཡུལ་དབུས་ལྷ་སའི་གནས་མཆོག་ལྷ་ཡུལ་གླིང་ལྔའི་གསོལ་མགྲོན་ཁང་ཆེན་མོ་རུ་དངོས་སུ་འཚོགས། ཚོགས་ཐོག་ཏུ་ཀྲུང་གོའི་མངའ་ཁོངས་ཀྱི་འབྲེལ་ཡོད་ཞིབ་འཇུག་པ་དང་། ཨ་རི། ཧྥ་རན་སུ། དབྱི་ཐ་ལི། ཁ་ན་ཏ། ཅེག་རྒྱལ་ཁབ་སོགས་ནས་ཕེབས་པའི་བོད་རིག་པའི་ཞིབ་འཇུག་པའང་མང་པོ་ཞུགས་ཡོད་ཅིང་། རྒྱལ་ཕྱི་རྒྱལ་ནང་གི་མཁས་པ་ཚོས་རང་མོས་ཀྱིས་བགྲོ་གླེང་དང་བསམ་ཚུལ་བརྗེ་རེས་སོགས་སྤེལ་ཡོད་པ་རེད།