ནུབ་བྱང་མི་རིགས་སློབ་གྲྭ་ཆེན་མོའི་མུ་མཐུད་སློབ་གསོ་དང་ལས་རིགས་སློབ་གསོ་སློབ་གླིང་གི་༢༠༡༤ལོའི་སློབ་བསྡུའི་བརྡ་ཐོ།

     ནུབ་བྱང་མི་རིགས་སློབ་གྲྭ་ཆེན་མོའི་མུ་མཐུད་སློབ་གསོ་དང་ལས་རིགས་སློབ་གསོ་སློབ་གླིང་ནི་སློབ་གྲྭ་ཡོངས་ཀྱི་དྲ་ངོས་སློབ་གསོ་དང་། དར་མའི་སློབ་གསོ། རང་སྦྱོང་རྒྱུགས་སྤྲོད། ལས་བྱེད་པ་གསོ་སྦྱོང་སོགས་ལ་དོ་དམ་བྱེད་པའི་སྡེ་ཁག་ཅིག་ཡིན་པར་མ་ཟད། ད་དུང་སློབ་གསོ་གཙོ་སྒྲུབ་ཀྱི་སྡེ་ཁག་ཅིག་ཀྱང་ཡིན་པས། ད་རེག་ཏུ་ནུབ་བྱང་མི་རིགས་ས་ཁུལ་ལ་བེད་ཆོད་ཅིང་སྡོད་ཚུགས་པའི་ཆེད་སྦྱོང་དང་དངོས་འཕར་གྱི་འཛིན་ཡིག་ཡོད་པའི་ཤེས་ལྡན་མི་སྣ་འབོར་ཆེན་སྐྱེད་སྲིང་བྱས། ད་ལྟ་ང་ཚོའི་སློབ་གླིང་ལ་རིགས་སྣ་ཚོགས་ཀྱི་སློབ་མ་༦༨༡༩ཡོད།
     ནུབ་བྱང་མི་རིགས་སློབ་གྲྭ་ཆེན་མོས་༡༩༩༡ལོ་ནས་བཟུང་མཐོ་རིམ་རང་སྦྱོང་རྒྱུགས་སྤྲོད་སློབ་མ་བསྡུ་བའི་མགོ་བརྩམས་ལ། ཀན་སུའུ་ཞིང་ཆེན་གྱི་རང་སྦྱོང་རྒྱུགས་སྤྲོད་སློབ་མ་བསྡུ་ཆེས་སྔ་ཞིང་སྟོབས་ཤུགས་ཀྱང་ཆེས་ཆེ་བའི་རྒྱུགས་ལེན་སློབ་གྲྭ་ཞིག་ཡིན། ད་ལོ་ཡང་རང་སྦྱོང་རྒྱུགས་སྤྲོད་ཀྱི་སློབ་མ་མུ་མཐུད་དུ་བསྡུ་རྩིས་ཡོད་ལ། བོད་ཀྱི་རིག་གནས་ཐད་ནས། ད་ལོར་བོད་ཀྱི་སྐད་ཡིག་རྩོམ་རིག་གི་ཆེད་སྦྱོང་སློབ་མ་༤༠༠དང་དངོས་འཕར་སློབ་མ་༡༠༠བསྡུ་རྒྱུ་ཡིན་པར་མ་ཟད། ཐང་གའི་སྒྱུ་རྩལ་གྱི་ཆེད་སྦྱོང་སློབ་མ་༥༠ཡང་བསྡུ་རྩིས་ཡོད་པས། སློབ་གྲྭར་འགྲིམས་འདོད་པ་རྣམས་ཀྱིས་རང་གི་དགའ་ཕྱོགས་ལྟར་མིང་ཐོ་འགོད་ཆོག ཆ་རྐྱེན་དང་མིང་ཐོ་འགོད་སྟངས་སོགས་གཤམ་གསལ།
    བསྡུ་བྱའི་སློབ་མ། ཆེད་སྦྱོང་ལ་མཐོ་འབྲིང་དང་ཆེད་གཉེར་སློབ་འབྲིང་གི་འཛིན་ཡིག་ཡོད་པ་དང་། དངོས་འཕར་ལ་ཆེད་སྦྱོང་གི་འཛིན་ཡིག་ཡོད་པའི་མཐར་ཕྱིན་སློབ་མ་དང་ལས་ཐོག་མི་སྣ།
    དྲ་ངོས་ནས་མིང་ཐོ་འགོད་པའི་དུས་ཚོད། ༢༠༡༤ལོའི་ཟླ་༧ཚེས་༡༥ཉིན་ནས་ཟླ་༨ཚེས་༢༥ཉིན་བར།
    མིང་ཐོ་འགོད་པའི་དྲ་གནས། dwzy.xbmu.edu.cn/chy/
    དངོས་སུ་འབྱོར་ཐོ་འགོད་པའི་དུས་ཚོད། ༢༠༡༤ལོའི་ཟླ་༩ཚེས་༡༣ཉིན་ནས་༡༤ཉིན་འབྱོར་ཐོ་འགོད་པ་དང་། ཚེས་༡༥ཉིན་ནས་བཟུང་དམག་སྦྱོང་གི་འགོ་འཛིན་རྒྱུ།
    དངོས་སུ་འབྱོར་ཐོ་འགོད་སྐབས། རང་ཉིད་ཀྱི་ཐོབ་ཐང་དཔང་ཡིག་དང་མཐར་ཕྱིན་འཛིན་ཡིག་གི་མ་ཡིག་དང་བསྐྱར་དཔར་རེ་ཁྱེར་ཡོང་དགོས་ལ། ད་ལོ་མཐོ་རྒྱུགས་ལ་ཞུགས་མཁན་གྱིས་མཐོ་རྒྱུགས་ཀྱི་སྐར་ཐོ་ཡང་ཁྱེར་ཡོང་དགོས་པ་དང་། ཆེད་སྦྱོང་འདོན་བཞིན་པའི་སློབ་མས་དངོས་འཕར་ལ་མིང་ཐོ་འགོད་སྐབས་ཆེད་སྦྱོང་འདོན་སའི་སློབ་གྲྭའི་བདེན་དཔང་ཁྱེར་ཡོང་དགོས།
     སློབ་ཡོན་ལེན་སྟངས། རིན་གོང་གཏན་འཁེལ་ལས་ཁུངས་ཀྱི་ཐག་བཅད་ལྟར་བསྡུ་རྒྱུ།
འབྲེལ་གཏུག་བྱེད་ས། 林润年
འབྲེལ་གཏུག་ཁ་པར། 0931-2938171 13913812220