༅།།བརྩེ་བའི་གྲོགས་མཆོག་དང་ཕྱག་རོགས་ཐུན་མོང་གི་སྙན་ལམ་དུ་ཞུ་གསོལ།

     འདི་ག་ཁྱེད་རྣམ་པ་ཡོངས་ལ་དྲན་སྐུལ་ཚོགས་བརྡ་ཞིག་ཞུ་རྒྱུ་ཡོད་ལགས་ན་དུས་ཡུན་ཐུང་ངུའི་ནང་སྤྱི་ལོ་༢༠༡༥རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་ཀྱི་ཚོགས་ཞུགས་འགེངས་ཤོག་འབུལ་ལམ་ཡོང་ཐུབ་པས་ན། ཁྱེད་རྣམ་པས་འདིར་འཁོད་དྲྭ་བྱང་(https://www.easychair.org/conferences/?conf=isyt2015)ཐོག་སྤྱི་ལོ་༢༠༡༤ཟླ་བ་༣ཚེས་༡༥ནས་སྤྱི་ལོ་༢༠༡༤ཟླ་བ་༧ཚེས་༣༡བར་དུ་དབྱིན་ཡིག་གམ་བོད་ཡིག་གང་རུང་དུ་རང་ཉིད་ཀྱི་དཔྱད་རྩོམ་སྙིང་དོན་འབུལ་ལམ་ཡོང་བར་ཞུ། འདི་ག་དབྱིན་ཡིག་གམ་བོད་ཡིག་ཏུ་འགེངས་ཤོག་འབུལ་ལམ་ཐད་གསལ་བཤད་ཁག་མཚམས་སྦྱོར་ཡི་གེ་ཐོག་ཐུགས་སྣང་ཡོང་བར་ཞུ། གལ་ཏེ་ཁྱེད་རྣམ་པས་སྙན་ཞུ་འབུལ་ལམ་སྐབས་སུ་འགོག་རྐྱེན་དང་དོགས་འདྲི་སོགས་ཡོད་ཚེ་ངེས་པར་དུ་གོ་སྒྲིག་ཚོགས་ཆུང་ལ་བློ་དོགས་མེད་པར་གློག་འཕྲིན་ཁ་བྱང་“isyt2015@gmail.com”འདི་ཐོག་འབྲེལ་ལམ་ཡོང་བར་ཞུ།
      སྤྱི་ལོ་༢༠༡༥གྲོས་ཚོགས་ཚོགས་ཐེངས་བཞི་པར་ཚོགས་བཞུགས་ཆེད་བོད་དང་ལྷོ་ཨེ་ཤི་ཡ་ནས་ཡིན་པའི་བོད་རིགས་ཚོགས་བཅར་བ་འགའ་ཞིག་ལ་འགྲོ་གྲོན་གང་འཚམས་ཞིག་གོ་སྒྲིག་ཚོགས་ཆུང་ནས་མཐུན་རྐྱེན་བསྒྲུབ་འཆར་ཡོད་ན། ཚོགས་བཅར་བ་སུ་རུང་ལ་དགོས་མཁོ་ཡོད་ཚེ་འདི་གར་བརྡ་ལན་ཁ་གསལ་གནང་དགོས་པ་གལ་ཆེ།
       འདིར་ཐུགས་འཁུར་གནང་རྒྱུ་ཞིག་ལ་དབྱིན་ཡིག་གམ་བོད་ཡིག་ཏུ་འགེངས་ཤོག་འབུམ་ལམ་ཐད་གསལ་བཤད་ཁག་མཚམས་སྦྱོར་ཡི་གེ་ཐོག་ཐུགས་སྣང་ཡོང་བ་ཞུ།

                                                                                   ཚོགས་ཆུང་གོ་སྒྲིག་པས།
                                                                                                                          www.isyt.org