ཁྲི་ཀ་སམ་བྷའི་སྒྲུབ་གནས།
རྩོམ་པ་པོ།  ངེད་དྲ་ཚིགས།    སྤེལ་དུས།  2017-02-15 22:04:41    རྡེབ་ཚད།     ཡོང་ཁུངས། ངེད་དྲ་ཚིགས།

                  3958664072458887236.jpg 

      སམ་བྷའི་སྒྲུབ་གནས་ཞེས་པ་ནི་མཚོ་ལྷོ་ཁུལ་ཁྲི་ཀ་རྫོང་མཁར་ནས་ཤར་ཕྱོགས་སུ་སྤྱི་ལེ33ཙམ་གྱི་མཚམས་དང་། ཀ་རིང་ཡུལ་ཚོ་སྲིད་གཞུང་གི་ཤར་ལྷོའི་ཕྱོགས་སུ་སྤྱི་ལེ30ཡས་མས་ཀྱི་མཚམས་ན་ཡོད། གནས་འདིའི་ཐོག་མའི་མཚན་ལ་སྟོད་ཀྱི་ལྷ་རིའམ་ཐོད་ཀྱི་ལྷ་རི་ཞེས་འབོད་པར་གྲགས། ཡུལ་འདིའི་སྔགས་འཆང་རྒན་རབས་རྣམས་ཀྱི་གསུང་རྒྱུན་ལ། ཕལ་ཆེར་དུས་རབས་བཅུ་གསུམ་པའི་དུས་དཀྱིལ་ཙམ་ལ་ཁམས་ཕྱོགས་ཀྱི་བླ་མ་ཞེ་ཆེན་ནམ་ཁམས་པ་ཞུ་བ་ཞིག་ཐོག་དང་བོར་གནས་འདིར་ཕེབས་པའི་དུས་ན། འདི་གའི་བྲག་རྡོའི་སྟེང་དུ་དཔལ་ཨོ་རྒྱན་ཆེན་པོའི་སྐུ་བརྙན་རང་བྱོན་དང་། ཞབས་རྗེས་རང་བྱོན། ཕྱག་རྗེས་རང་བྱོན་སོགས་བཞུགས་པའི་གྲུབ་རྟགས་མང་བོ་གཟིགས་ཏེ་གནས་འདི་ལ་ཨོ་རྒྱན་སམ་བྷ་ཝའི་སྒྲུབ་གནས་སམ་སམ་བྷའི་སྒྲུབ་གནས་ཞེས་པའི་མཚན་གསོལ་བར་གསུངས། དེ་ནས་བཟུང་སམ་བྷའི་སྒྲུབ་གནས་ཞེས་པའི་མཚན་སྙན་གྱི་རོལ་མོ་མདོ་སྨད་སོགས་སུ་ཁྱབ་པར་གྱུར་ཏོ༎ གནས་མཆོག་འདི་རུ་སྔ་ཕྱིར་ཁམས་ཕྱོགས་ཀྱི་བླ་མ་ཞེ་ཆེན་ནམ་ཁམས་པ་དང་། ཨ་ལགས་མགོན་རྒྱ་གྲགས་པ་རྒྱ་མཚོ་ཚང་། ཨ་ཆུང་གནམ་རྫོང་ཕྱོགས་ཀྱི་རྫ་ཁྲོད་བླ་མ་ཆོས་དབྱིངས་རང་གྲོལ་ཚང་། ནེའུ་ལུང་སྐུ་ཕྲེང་ལྔ་བ་བསྟན་འཛིན་མཆོག་ལྡན་ཚུལ་ཁྲིམས་རྒྱ་མཚོ་ཚང་། དཔའ་ལུང་རྫོང་བྲག་དཀར་རྒྱའི་བླ་མ་ཀ་རིང་རྟ་མགྲིན་རྡོ་རྗེ་བདུད་འདུལ་ཚང་། སྒོ་མེ་ཏིང་ཀྱཱ་སྐུ་ཕྲེང་བདུན་པ་ཀུན་བཟང་སྙན་གྲགས་རྒྱ་མཚོ་ཚང་སོགས་དམ་པ་དུ་མས་ཞབས་ཀྱི་རི་མོ་བཀོད་ཅིང་སྒྲུབ་པ་མཛད་དེ་བྱིན་གྱིས་བརླབས་མྱོང་བར་གྲགས་སོ། །

支持此新闻
返回首页

དཔྱད་བརྗོད་སྤེལ་བ། ད་སྔ་སྡོམ་པས་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།