ཡུམ་བུ་བླ་སྒང་།
རྩོམ་པ་པོ།  དུང་དཀར་བློ་བཟང་འཕྲིན་ལས།     སྤེལ་དུས།  2012-09-19 13:50:34    རྡེབ་ཚད།     ཡོང་ཁུངས། ངེད་དྲ་ཚིགས།

                             2006011811573445658.jpg

     བོད་ལྗོངས་ལྷོ་ཁ་ས་ཁུལ་སྣེ་གདོང་རྫོང་ཕོ་བྲང་ཆུས་ཁོངས་ཇོ་མོ་བཀྲ་ཤིས་ཚེ་རིང་ཞེས་པའི་རི་ནུབ་ཏུ་ཟུར་གཉིས་བརྐྱངངས་པའི་གཡོན་གྱི་རི་ཟུར་བྲག་རིའི་སྟེང་ཏོག་ལྟ་བར་གནས་ཡོད། འདི་ལ་ཡི་གེ་མི་འདྲ་བ་ཡུམ་བུ་གླ་སྒང་དང་། ཡུམ་བུ་བརླ་སྒང་ཞེས་བྲི་སྟངས་མི་འདྲ་བ་འདུག བླ་སྒང་ཞེས་པར་རྒྱུ་མཚན་འདི་ཡིན་ཞེས་བཤད་པ་མི་སྣང་། བྲི་སྟངས་གཉིས་པ་དེར་འགའ་ཞིག་གིས་ཕོ་བྲང་འདི་ཆགས་སའི་རིའི་མཐའ་བསྐོར་དུ་ཤིང་གླ་བའི་སྡོང་པོ་ཆུང་བ་མང་པོས་བསྐོར་ནས་ཡོད་པའི་དབང་གིས་ཡིན་ཟེར། ཡང་འགའ་ཞིག་གིས་ཕོ་བྲང་ཆགས་སའི་རི་དེ་ཤ་བ་ཡུ་མོ་ཉལ་ནས་སྡོད་པ་དང་འདྲ་ཞིང་། ཕོ་བྲང་ངོ་མ་ཤ་བ་ཡུ་མོའི་བརླ་ཤའི་སྒང་དུ་ཆགས་པའི་རྒྱུ་མཚན་གྱིས་ཡུམ་བུ་བརླ་སྒང་ཟེར་བ་ཡིན་གསུངས། ཕོ་བྲང་འདི་ལ་སྔ་དུས་ཀྱི་ལྡེབས་བྲིས་སུ་གཉའ་ཁྲི་བཙན་པོ་རྒྱལ་སར་འཁོད་པའི་ལོ་རྒྱུས་བྲིས་ཡོད་ཅེས་༼ཡུམ་བུ་བླ་སྒང་གི་དཀར་ཆག༽ནང་འཁོད་འདུག དུས་རབས་བཅུ་བཞི་པའི་འགོར་མངའ་རིས་ཡ་ཚེའི་རྒྱལ་པོ་བསོད་ནམས་ལྡེ་དང་། བློན་པོ་ཤཱཀྱ་མགོན་པོ་གཉིས་ཀྱིས་ཉམས་གསོས་ཐོག་རྒྱ་ཕིབས་ཐོག་མར་བཀལ། ས་སྐྱའི་བདག་ཆེན་ཏི་ཤྲི་ཀུན་དགའ་རྒྱལ་མཚན་གྱིས་རབ་གནས་མཛད། ཏཱ་ལའི་བླ་མ་སྐུ་ཕྲེང་ལྔ་པས་སླར་ཡར་ལྷ་ཁང་ཉམས་གསོ་དང་། རྒྱ་ཕིབས་གསར་བརྗེས་མཛད། ཕོ་བྲང་འདིའི་སྒོ་ནི་ནུབ་ཕྱོགས་སུ་བསྟན་ནས་ཡོད། རྩེ་ནས་ཤར་ལྷོའི་ཕྱོགས་སུ་བལྟས་སྐབས། བོད་ཀྱི་ས་ཞིང་གི་ཐོག་མ་ཡིན་ཟེར་བའི་ཞིང་ཁ་གྲུ་ནར་ཅན་ཞིག་མཐོང་རྒྱུ་འདུག

支持此新闻
返回首页

དཔྱད་བརྗོད་སྤེལ་བ། ད་སྔ་སྡོམ་པས་དཔྱད་བརྗོད་་ཙམ་སྤེལ་ཡོད། འདི་ནས་གཟིགས།
ར་སྤྲོད་ཨང་། མིང་མེད།
པར་ལྡན་འོས་སྦྱོར།